جمعیت علمائے اسلام(جے یو آئی) کے سربراہ مولانا فضل الرحمان نے پاکستان تحریک انصاف (پی ٹی آئی) کے سینیئر رہنما اسد قیصر سے رابطہ کر کے چیف جسٹس آف پاکستان کی تقرری کے لیے پارلیمان کی خصوصی کمیٹی کے اجلاس میں شرکت کی درخواست کی ہے۔
یہ بھی پڑھیں:چیف جسٹس کی تعیناتی کے لیے کمیٹی: ن لیگ، پیپلزپارٹی، جے یو آئی اور پی ٹی آئی نے نام دیدیے
منگل کو چیف جسٹس آف پاکستان کی تقرری کے لیے 26 آئینی ترمیم کے عبد تشکیل پانے والی خصوصی کمیٹی کا اجلاس اس وقت تعطل کا شکار ہوا جب پاکستان تحریک انصاف کی حمایت یافتہ سنی اتحاد کونسل کے 3 ارکان نے کمیٹی کے اجلاس میں بیٹھنے سے انکار کر دیا۔
کمیٹی کے اجلاس کے دوران ہی سنی اتحاد کونسل کے 3 ارکان کو منوانے کے لیے 4 رکنی کمیٹی تشکیل دی گئی، جو پاکستان تحریک انصاف اور سنی اتحاد کونسل کے ممبران کو منوانے کی کرے گی اور اجلاس دوبارہ ساڑھے 8 بجے شروع ہوگا۔
پی ٹی آئی کےحمایت یافتہ اراکین کواجلاس میں لانے کی کوششوں کے دوران 26 آئینی ترمیم کے مرکزی کردار اور جمعیت علمائے اسلام کے سربراہ مولانا فضل الرحمان نے پی ٹی آئی کے سینیئر ترین رہنما اور سابق اسپیکر اسد قیصر سے ٹیلیفونک رابطہ کیا ہے۔
مزید پڑھیں:تحریک انصاف نے چیف جسٹس تقرری کی پارلیمانی کمیٹی کا بائیکاٹ کیوں کیا؟ اندرونی کہانی سامنے آگئی
میڈیا رپورٹس کے مطابق مولانا فضل الرحمان نے اسد قیصر کو چیف جسٹس کی تقرری کے لیے قائم کردہ خصوصی کمیٹی کے اجلاس میں شرکت کی درخواست کی ہے، جس پر اسد قیصر نے مولانا فضل الرحمان سے مزید وقت مانگ لیا ہے۔
