سابق وزیراعظم اور پاکستان مسلم لیگ (ن) کے صدر نواز شریف لاہور ایئرپورٹ سے ایمریٹس کی فلائٹ ای کے 625 سے دبئی روانہ ہوگئے ہیں جہاں ایک روز قیام کے بعد لندن کا قصد کریں گے۔
نواز شریف کی پاکستان سے دوبارہ لندن واپسی ایک سال بعد ہورہی ہے، جہاں ان کی اہم ملاقاتیں متوقع ہیں۔ نواز شریف 29 اکتوبر کو لندن سے امریکا جائیں گے، جہاں وہ 4 روز قیام کریں گے اور پھر واپس لندن آجائیں گے۔
یہ بھی پڑھیں: لندن جانے سے قبل نواز شریف نے لاہور سے کیا شاپنگ کی؟
نواز شریف کے دورہ لندن کے حوالے سے مختلف قیاس آرائیاں کی جارہی تھی، بعض لوگوں کا کہنا تھا کہ وہ طبی معائنے کے لیے لندن جارہے ہیں۔ تاہم پارٹی ذرائع کے مطابق، نواز شریف لندن میں اہم ملاقاتیں کریں گے۔ اسی سلسلہ میں گزشتہ روز نواز شریف نے لندن میں مقیم اپنے ایک دوست کو کارپٹ کا تحفہ دینے کے لیے کاہنہ ڈیفنس روڈ پر واقع ایک کارپٹ فیکٹری کا وزٹ کیا تھا جہاں انہوں نے مختلف کارپٹس کے نمونے دیکھے۔
پارٹی ذرائع نے بتایا میاں صاحب نے کارپٹ کسی خاص شخصیت کو گفٹ دینے کے لیے خریدے ہیں۔ کارپٹ پسند کرنے کے بعد نواز شریف واپس جاتی عمرہ آگئے تھے۔
