پاکستانی کرکٹر شاداب خان نے کہا ہے کہ سعودی عرب کی حکومت کی جانب سے گلوبل ہارمنی ایونٹ کا انعقاد ایک اچھا اقدام ہے، اس ایونٹ کے ذریعے پاکستانی کمیونٹی کو ہم سے اور ہمیں اپنے بھائیوں سے مل کر بہت اچھا محسوس ہوا ہے۔
گلوبل ہارمنی ایونٹ کے دوران وی نیوز سے خصوصی گفتگو میں انہوں نے کہا کہ وہ پہلی مرتبہ ریاض آئے ہیں اور دیکھ کر اچھا لگا کہ ایونٹ میں پاکستانی کمیونٹی کے لیے بہترین انتظامات کیے گئے ہیں۔
یہ بھی پڑھیں: محمد رضوان کے کپتان بننے پر خوشی ہوئی، امید ہے وہ کامیاب رہیں گے، شعیب ملک
انہوں نے کہا کہ ایونٹ میں پاکستانی گلوکار اور کرکٹرز بھی شرکت کررہے ہیں، یہ ایک اچھا اقدام ہے، سعودی عرب میں پاکستانی کمیونٹی چاہتی ہے کہ وہ ہمیں دیکھیں اور ہم سے ملیں، ہمیں بھی یہاں آکر لوگوں سے ملنا اور بات چیت کرنا اچھا لگا۔
انہوں نے کہا کہ ملک سے باہر رہنا کافی مشکل ہوتا ہے، یہ ایونٹ ایک بہت اچھا اقدام ہے، ہم بھی جب اپنے بھائیوں سے ملتے ہیں تو ہمیں بھی بہت اچھا لگتا ہے۔
ریاض میں پہلی دفعہ آیاہوں اوربہت اچھالگا ہے،سعودی عرب میں گلوبل ہارمنی ایونٹ کے دوران شاداب خان کی خصوصی گفتگو pic.twitter.com/ClxnjFLRE4
— WE News (@WENewsPk) October 31, 2024
شاداب خان نے وکٹ کیپر بیٹر محمد رضوان کو پاکستان ٹیم کا کپتان مقرر کیے جانے کو اچھا اقدام قرار دیا اور کہا کہ رضوان کی کپتانی میں ٹیم کامیابیاں سمیٹےگی۔ انہوں نے کہا کہ خواہش ہے بھارت راولپنڈی میں میچ کھیلے۔
یہ بھی پڑھیں: سعودی عرب پاکستان میں مزید 600 ملین ڈالر کی سرمایہ کاری کرے گا، دونوں ممالک میں اتفاق
واضح رہے کہ سعودی عرب کے دارالحکومت ریاض میں گلوبل ہارمنی ایونٹ کا انعقاد کیا جارہا ہے۔ 17 اکتوبر سے شروع ہونے والا یہ ایونٹ 30 نومبر تک جاری رہے گا، ایونٹ میں سعودی عرب میں رہنے والے مختلف ممالک کے لوگ مختلف پروگراموں کے ذریعے اپنی اپنی ثقافت کو اجاگر کررہے ہیں۔ ایونٹ کے دوران پاکستانی کمیونٹی کے لیے 30 اکتوبر سے 2 نومبر تک 4 دن مخصوص کیے گئے ہیں۔
