ہانگ کاکنگ سپر سکسز کے فائنل میں سری لنکا نے پاکستان کو شکست دے دی۔ سری لنکا نے 3وکٹوں سے میچ جیت کر سپرسکسز چیمپیئنز کا ٹائٹل اپنے نام کرلیا۔
پاکستان نے پہلے بیٹنگ کرتے ہوئے 73رنز کا ہدف دیا، گرین شرٹس کی پوری ٹیم مقررہ 6 اوورز میں 72 رنز بناکر آؤٹ ہوئی، جواب میں سری لنکا نے 5اوورز میں ہدف حاصل کرلیا۔
مزید پڑھیں: سپر سکسز، جنوبی افریقہ کو شکست دے کر پاکستان سیمی فائنل میں پہنچ گیا
مونگ کوک میں کھیلے گئے ایونٹ کے فائنل میں سری لنکا نے ٹاس جیت کر پہلے فیڈنگ کرنے کا فیصلہ کیا، ابتدائی اوور میں ہی گرین شرٹس کے 2 کھلاڑی پویلین لوٹ گئے۔
پاکستان کی جانب سے محمد اخلاق کے علاوہ کوئی بیٹر لنکن بالرز کا مقابلہ نہ کرسکا، انہوں نے 48 رنز کی اننگز کھیلی، دیگر بیٹر میں کپتان فہیم اشرف 13، عامر یامین 6، آصف علی صفر جبکہ حسین طلعت ایک رن کے مہمان ثابت ہوئے۔
سری لنکا کی جانب سے سندون ویراکوڈی 34، دھننجایا لکشن اور تھرندو رتھنائیکے نے 2،2، کپتان لہورو مدھوشانکا 19 رنز بناکر نمایاں رہے جبکہ پاکستان کی جانب سے فہیم اشرف نے 2 وکٹیں حاصل کیں۔
یہ بھی پڑھیں: ہانگ کانگ سپر سکسز: بھارت کو ہرا کر پاکستان کوارٹر فائنل میں پہنچ گیا
اس سے قبل ہانگ کانگ ورلڈ سپر سکسز ٹورنامنٹ میں پاکستان نے مسلسل 4میچ جیت کر فائنل کے لیے کوالیفائی کیا تھا، پاکستان نے بھارت کے بعد یو اے ای، جنوبی افریقہ اور آسٹریلیا کو شکست دی۔
واضح رہے مونگ کوک میں کھیلےگئے میچ میں پاکستان نے پہلے سیمی فائنل میں آسٹریلیا کو 4 وکٹوں سے شکست دیکر ایونٹ کے فائنل تک رسائی حاصل کی، دوسری جانب سری لنکا نے فائنل میں پاکستان کو 3وکٹوں سے شکست دے کر ٹورنامنٹ اپنے نام کرلیا۔
