’جس نے بھی یہ اسکرین شاٹ دیا ہے وہ آپ کا دشمن ہے‘ بلاول بھٹو کی ٹوئٹ پر صارفین کے تبصرے

منگل 12 نومبر 2024

حالیہ برسوں میں پاکستان میں اسموگ کا مسئلہ سنگین ہوتا جارہا ہے اور سردیوں کے آغاز کے ساتھ یہ مزید بڑھ جاتا ہے، پاکستان میں اسموگ اتنی زیادہ ہو گئی ہے کہ خلا سے بھی نظر آنے لگی ہے۔ اسموگ کی وجہ سے موٹرویز کو مختلف مقامات پر ٹریفک کے لیے بند کردیا گیا اور فلائٹ آپریشن بھی متاثر ہوئے ہیں۔

پاکستان میں اسموگ کی بدترین صورتحال کے پیش نظر پاکستان پیپلز پارٹی (پی پی پی) کے چیئرمین بلاول بھٹو زرداری نے سماجی رابطوں کی سائٹ ایکس پر ایک اسکرین شاٹ شیئر کیا جس میں دکھایا گیا ہے کہ اسموگ سے سب سے زیادہ متاثرہ شہروں میں خیبرپختونخوا پہلے نمبر پر، ملتان دوسرے، لاہور تیسرے جبکہ سندھ سب سے آخری نمبر پر ہے۔

Dear Pakistan, move to Karachi. 😎 pic.twitter.com/OVF13vvRp2

— BilawalBhuttoZardari (@BBhuttoZardari) November 12, 2024

بلاول بھٹو نے پوسٹ شیئر کرتے ہوئے پاکستانیوں کو مخاطب کیا اور کہا کہ کراچی شفٹ ہو جائیں۔ ان کی پوسٹ کے نیچے صارفین کے دلچسپ تبصرے شروع ہو گئے، ایک صارف نے لکھا کہ بلاول صاحب جس نے بھی یہ اسکرین شاٹ آپ کو دیا ہے وہ آپ کا دشمن ہے کیونکہ یہ ایڈٹ کیا گیا ہے۔

بلاول صاحب جس نے بھی سکرین شاٹ دیا ہے وہ اپکا دشمن ہے 😂 ۔ ایڈیٹ ہے جانی

— RAMIZ KHAN YOUSAFZAI (@RKY4evr) November 12, 2024

ایک صارف نے طنزاً لکھا کہ پیارے پاکستان، کراچی چلے جائیں، بندوق کی نوک پر لٹ جائیں اور پھر ڈاکوؤں کے ہاتھوں گولی سے ہلاک ہو جائیں آپ کو سانس یا تازہ ہوا کی ضرورت نہیں ہوگی، یہ بلاول بھٹو کا وژن ہے۔

Dear Pakistan, move to Karachi and be robbed at gunpoint and then be shot dead by robbers. There will be no need for breath or fresh air.
Vision of @BBhuttoZardari

— aashkhalid (@aashkhalid) November 12, 2024

ایک ایکس صارف نے کہا کہ موبائل اور گاڑی نہ چھیننے کی ذمہ داری آپ لیں ہم کراچی آ جاتے ہیں۔