خصوصی سرمایہ کاری سہولت کونسل کی معاونت سے ملک میں معاشی استحکام کے لیے غیر ملکی سرمایہ کاری کی راہیں ہموار کرنے میں ایک اور اہم پیش رفت کے بعد پاکستان اور ابو ظہبی پورٹس گروپ کے مابین متعدد شعبوں میں تعاون بڑھانے کے لیے 4 مفاہمتی یادداشتوں پر دستخط کیے ہیں۔
یہ بھی پڑھیں:آرمی چیف نے تاجر برادری کو ایس آئی ایف سی کے ساتھ مل کر کام کرنے کی دعوت دیدی
حکومتی اعلامیہ کے مطابق مفاہمتی یادداشتوں کے ذریعے ریلوے، فضائی اور بحری شعبوں کے ساتھ لاجسٹکس میں تعاون بڑھے گا، ان مفاہمتی یادداشتوں کے تحت پاکستان اور ابو ظہبی پورٹس گروپ کسٹمز، ریل اور ہوائی اڈوں کے شعبوں میں تعاون کا جائزہ لیں گے۔
اعلامیہ کے مطابق مفاہمتی یادداشتوں کا مقصد ڈیجیٹل کسٹمز، مال بردار ریلوے راہداریوں اور پاکستان کے بحری جہازوں کی اپ گریڈیشن ہے، جو پاکستان اور متحدہ عرب امارات کے درمیان مضبوط اقتصادی شراکت داری دونوں ممالک کی ترقی کا باعث بنیں گی۔
مزید پڑھیں:پاکستان اور متحدہ عرب امارات کے درمیان اربوں ڈالر کے سمجھوتوں پر دستخط
خصوصی سرمایہ کاری سہولت کونسل یعنی ایس آئی ایف سی کا تعاون اور متحدہ عرب امارات کی سرمایہ کاری کا ملکی معیشت مستحکم کرنے میں اہم کردار رہا ہے، اور ان مفاہمتی یادداشتوں پر دستخط کے بعد پاکستان کی معیشت میں اماراتی تعاون کو تقویت ملے گی۔
