وفاقی وزیرخزانہ محمد اورنگزیب کا کہنا ہے کہ جینکو، ڈسکوز اور ایئر پورٹ نجی شعبے کو دیں گے۔ پی آئی اے کی نجکاری سے متعلق دی جانے والی بولی سے دھچکا لگا ہے۔
یہ بھی پڑھیں:پاکستان سے معاشی امور پر مذاکرات کے بعد آئی ایم ایف کا مثبت اشارہ
وفاقی وزیر خزانہ محمد اورنگزیب نے کہا ہے کہ پاکستان نے پرائمری سر پلس کا ہدف کامیابی سے پورا کیا ہے، نیشنل فسکل پیکٹ کو کابینہ نے منظور کیا ہے، اب این ایف سی پر نظرِ ثانی کی ضرورت نہیں۔ انہوں نے یہ بات نجی ٹیلیوژن سے گفتگو میں کہی۔
ٹیکس وصولی کا ہدف پورا کیا جائے گا
وفاقی وزیر خزانہ محمد نے ٹیکس وصولی ہدف سے متعلق بات چیت کرتے ہوئے کہا کہ 12 ہزار 970 ارب روپے ٹیکس وصولی کا ہدف پورا کیا جائے گا، ٹیکس وصولیوں کو انفورسمنٹ اور انتظامی اقدامات سے بہتر کیا جائے گا۔
آئی ایم ایف سے مذاکرات کے حوالے سے وفاقی وزیر خزانہ کا کہنا تھا کہ آئی ایم ایف مشن کے دورے کا مقصد معیشت کا جائزہ لینا نہیں تھا بلکہ اعتماد سازی میں اضافہ تھا۔
انہوں نے کہا کہ آئی ایم ایف سے مذاکرات تعمیری اور بامقصد رہے، آئی ایم ایف سے ورچوئل مذاکرات ہوتے رہتے ہیں، کچھ نکات پر آمنے سامنے بیٹھ کر بات چیت ضروری تھی۔
جینکو، ڈسکوز اور ایئر پورٹ نجی شعبے کو دیں گے
ان کا کہنا تھا کہ آئی ایم ایف سے حقائق کی بنیاد پر کھل کر بات چیت کی، آئی ایم وفد نے پاکستان کی بات غور سے سنی ہے اور اس سے مطمئن نظر آئے۔
یہ بھی پڑھیں:وزیر خزانہ محمد اورنگزیب نے تنخواہ دار طبقے کو خوشخبری سنادی
وفاقی وزیر خزانہ کے مطابق توانائی کے شعبے میں اصلاحات پر زیادہ بات چیت ہوئی، جینکو، ڈسکوز اور ایئر پورٹ نجی شعبے کو دیں گے۔
پی آئی اے کی نجکاری کی بولی سے دھچکا لگا
پی آئی کی نجکاری سے متعلق وفاقی وزیر خزانہ کا کہنا تھا کہ پی آئی اے کی نجکاری کی بولی سے دھچکا لگا، اس کو آگے بڑھائیں گے، حکومت کے محکموں میں رائٹ سائزنگ کا کام جاری ہے، 11 محکموں میں رائٹ سائزنگ کا کام مکمل ہو گیا ہے اور 5 محکموں میں جاری ہے۔
سول بیوروکریٹ پینشن میں حصہ ڈالیں گے
انہوں نے کہا کہ پینشن کے نظام پر بہت کام کیا، تمام سول بیوروکریٹ پینشن میں حصہ ڈالیں گے۔
وزیر اعلیٰ سندھ کا خصوصی مشکور ہوں
وفاقی وزیرِ خزانہ کے مطابق فسکل پیکٹ کی منظوری کے لیے وزیر اعلیٰ سندھ کا خصوصی طور پر مشکور ہوں، جب بھی قومی مفاد کا معاملہ ہوا تو کے پی کو سب سے آگے پایا۔
