پاکستان تحریک انصاف کے سینئر رہنما اور سابق وفاقی وزیر شہریار آفریدی نے 24 نومبر کو پی ٹی آئی کے ہونے والے احتجاجی مظاہرے میں بیرون ملک مقیم تحریک انصاف کے کارکنوں کو احتجاج میں شرکت کی دعوت دی ہے۔
سماجی رابطے کی سائیٹ ایکس (سابقہ ٹویٹر) پر ویڈیو شیئر کرتے ہوئے شہریار آفریدی نے برطانیہ میں مقیم پاکستانیوں سے اپیل کی کہ وہ باہر نکلیں اور اپنے کردار اور عمل سے ثابت کریں کہ وہ باوقار قوم ہیں، ان کا کہنا تھا آئیں عمران خان کو مایوس نہ کریں۔ ان کا کہنا تھا لندن ٹین ڈاؤننگ اسٹریٹ پر 24 نومبر کو فائنل احتجاجی مظاہرے کے لیے ضرور آئیں۔
یورپ اور خصوصاً برطانیہ میں مقیم اوور سیز پاکستانیوں کیلئے لندن ٹین ڈاؤننگ اسٹریٹ پر 24 نومبر فائنل کال احتجاجی مظاہرے کیلئے میرا اہم ترین پیغام pic.twitter.com/TUGIb8ljmt
— Shehryar Afridi (@ShehryarAfridi1) November 19, 2024
شہریار آفریدی کا بیان سوشل میڈیا پر وائرل ہوا تو صارفین کی جانب سے انہیں آڑے ہاتھوں لیا گیا، ایک صارف نے کہا کہ آپ ایم این اے ہیں پاکستان میں آ کر احتجاج کریں۔
او بھائی پاکستان آ کر احتجاج کریں آپ ایم این اے ہیں
— Ali Zayn (@khaleefa924) November 19, 2024
راجہ طاہر نے شہریار آفریدی کو آڑے ہاتھوں لیتے ہوئے کہا کہ یہ بیٹی کا داخلہ کروانے گئے تھے اور امریکا کو ہی پیارے ہو گئے۔
یہ بیٹی کا داخلہ کروانے گیا تھا پھر امریکہ کو ہی پیارا ہوگیا
آخے امریکی غلامی نامنظور 😂
اور پھدو یوتھیئے انہیں انقلابی سمجھتے ہیں 😜 https://t.co/nvI0UJidr0— Raja Tahir (@R_you4) November 20, 2024
سیدہ جویریہ کہتی ہیں کہ آپ بیرون ملک بیٹھ کر احتجاج کی کال کیوں دے رہے ہیں پاکستان آ کر احتجاج کریں، ان کا مزید کہنا تھا کہ عمران خان نے صاف کہا ہے جو ایم این اے اور ایم پی اے احتجاج میں شریک نہیں ہو گا اسے پارٹی سے نکال دیا جائےگا۔
پاکستان آکر احتجاج کریں 24 نومبر کو ۔ یہ باہر سے بیٹھ کر کیوں پیغام دے رہے ہیں آپ ۔
خان صاحب نے صاف بولا ہے جو ایم این اے اور ایم پی اے احتجاج میں شریک نہیں ہوگا اس کو فورا پارٹی سے نکال دیا جائے گا ۔ بس اتنا کہنا تھا ۔ #FinalCall#واپسی_ہوگی_خان_کے_سنگ https://t.co/ezWhEQ8HFK— Syeda Javeria (@Syeda08_javeria) November 19, 2024
ایک ایکس صارف نے کہا کہ شہریار آفریدی تن من دھن کپتان کے پیچھے لگا کر خود بار بھاگ گئے ہیں تو انقلاب کیسے آئے گا؟
بہادر صاحب تن من دھن کپتان کے پیچھے لگا کر خود نس گئے جے۔
انقلاب کیسے آئے گا؟— Firazi (@thespinner121) November 19, 2024
عام آدمی نامی صارف نے لکھا کہ 24 نومبر کے احتجاج میں کوہاٹ سے کتنے لوگ شریک ہوں گے اور انہیں لیڈ کون کرے گا، ان کا مزید کہنا تھا کہ آپ کی قربانی کسی سے ڈھکی چھپی نہیں لیکن اس وقت آپ کو اپنے حلقے میں اپنے لوگوں کے درمیان ہونا چاہیے۔
کوہاٹ سے کتنی تعداد میں شرکت ہو گی 24 کہ احتجاج میں اور کون لیڈ کرے گا کوہاٹ سے – آپ کی قربانی کسی سے ڈھکی چھپی نہیں لیکن اس وقت آپ کو اپنے حلقے میں ہونا چاہیے اپنے لوگوں کے درمیان
— عام آدمی (@chazhar7786) November 19, 2024
واضح رہے اس سے قبل پاکستان تحریک انصاف کے لندن میں برطانوی وزیراعظم کی رہائش گاہ کے سامنے مظاہرے میں پارٹی میں اختلافات سامنےآگئے۔ شہریارآفریدی کو احتجاج سے تقریر نہیں کرنے دی گئی تھی۔ جلسے سے ذلفی بخاری، شہباز گل اور دیگر نے خطاب کیا لیکن شہریار آفریدی کے اسٹیج پر آتے ہی شہباز گل اسٹیج سے اترگئے تھے جس پر انہوں نے کہا تھا کہ مجھے نہیں سمجھ آئی مجھے جلسے میں بلا کر تقریر نہیں کرنے دی گئی۔۔
