بانی پی ٹی آئی کے حکم پر اسلام آباد کی جانب احتجاجی مارچ کے پیش نظر راولپنڈی کی اڈیالہ جیل جانے والا راستہ رکاوٹوں کی زد میں آگیا۔
یہ بھی پڑھیں:قانون ہاتھ میں لینے والےکسی شخص کو واپس نہ جانے دیا جائے، وزیر داخلہ کا پولیس کو حکم
اس کے علاوہ جڑواں شہروں کے تمام داخلی راستے بھی پابندی کا شکار ہوگئے ہیں، تمام داخلی اور خارجی راستوں پر پولیس تعینات ہے۔
پی ٹی آئی کے احتجاج کو مؤثر جواب دینے کے لیے اسلام آباد اور راولپنڈی کے سنگم پر واقع فیض فیض آباد بند ہے، جب کہ وہاں کاروباری سرگرمیاں بھی معطل کر دی گئی ہیں۔
سی پی او راولپنڈی کا کہنا ہے کہ امن و امان خراب کرنے کی اجازت کسی کو نہیں دیں گے، سیف سٹی کیمروں سے شہر کی نگرانی کی جا رہی ہے۔
یہ بھی پڑھیں:24نومبر احتجاج: مارچ ہر صورت ہو گا، بشریٰ بی بی خود ماینٹرنگ کریں گی، پشاور میں پارٹی قیادت کا بڑا فیصلہ
واضح رہے کہ پی ٹی آئی کے ممکنہ احتجاجی مارچ کے پیش نظر وفاقی وزیر داخلہ محسن نقوی اسلام آباد پولیس کو احکامات جاری کردیے ہیں کہ امن و امان کو خراب کرنے والے ہر شخص کو گرفتار کرلیا جائے ۔
