کینسر سے نبرد آزما بھارتی اداکارہ حنا خان نے بالی ووڈ اسٹار سلمان خان سے ایک ملاقات کا احوال بیان کرتے ہوئے کہا ہے کہ معروف ادکار نے اپنی تمام تر مصروفیات کے باوجود ان سے طویل گفت و شنید کی اور ہمت بڑھاتے ہوئے انہیں یقین دلایا کہ وہ ٹھیک ہوجائیں گی۔
انسٹاگرام پر اپنے پیغام میں حنا خان نے کہا کہ میں نے سلمان خان جیسی مہربان شخصیت سے ہمیشہ کچھ نہ کچھ سیکھا ہے تاہم اس مرتبہ معاملہ تھوڑا مختلف تھا۔
یہ بھی پڑھیں: کینسر سے نبرد آزما کشمیری اداکارہ حنا خان کی وگ کے بال کٹواتے ویڈیو وائرل
حنا خان نے لکھا کہ شوٹنگ میں مصروف سلمان خان اپنے طویل اور تھکا دینے والے دن کے باوجود مجھ سے ملے اور ان کی باتوں نے میرا دل چھولیا۔
View this post on Instagram
انہوں نے کہا کہ سلمان خان میرے پاس ایک گھنٹہ بیٹھے اور میرے علاج کی ہر چھوٹی سے چھوٹی تفصیل کے بارے میں پوچھا اور جس طرح انہوں نے میرے اعتماد کو بڑھانے کی کوشش کی وہ بیحد کمال کی تھی۔
مزید پڑھیے: کینسر میں مبتلا کشمیری اداکارہ حنا خان کو اپنے والد کی نصیحتیں یاد آگئیں
حنا خان نے بتایا کہ سلمان خان نے نہ صرف اپنے تجربات اور معلومات شیئر کیں بلکہ یہ بھی یقینی بنایا کہ میں پہلے سے زیادہ پراعتماد بن جاؤں۔ انہوں نے مزید بتایا کہ سلمان خان نے مجھے یقین دلایا کہ میں ٹھیک ہو جاؤں گی۔
انہوں نے کہا کہ سلمان خان کو مجھ سے ملنے اور دلاسے دینے کی کیا ضرورت پڑی تھی لیکن پھر بھی باوجود کام کی شدید مصروفیت کے وہ مجھ سے ملے۔
مزید پڑھیں: ’ہر چیز تکلیف دہ لیکن مسکراہٹ ختم نہیں ہونی چاہیے‘ کینسر میں مبتلا اداکارہ حنا خان کا جذباتی پیغام
حنا خان کا کہنا تھا کہ یہ ان کے لیے محض ایک دلی و مخلصانہ حمایت ہی نہیں بلکہ ان کے لیے ایک سبق بھی ہے اور وہ اس کو کبھی فراموش نہیں کریں گی۔ انہوں نے مذکورہ میسج سلمان خان کو ٹیگ بھی اور ان کا شکریہ ادا کیا۔
