پاکستان اور زمبابوے کی کرکٹ ٹیموں کے درمیان 3 ٹی20 انٹرنیشنل میچوں پر مشتمل سیریز کا دوسرا میچ آج کوئنز اسپورٹس کلب بلاوائیو میں کھیلا جائے گا۔ پاکستانی وقت کے مطابق میچ شام ساڑھے 4 بجے شروع ہوگا۔
دوسرے ٹی20 کے لیے پاکستان پلیئنگ الیون کا اعلان بھی کردیا گیا ہے جس کے مطابق سلمان علی آغا کپتان ہوں گے۔ دیگر کھلاڑیوں میں صائم ایوب، عمیر بن یوسف، عثمان خان، طیب طاہر، عرفان خان، جہانداد خان، عباس آفریدی، حارث رؤف، ابرار احمد اور سفیان مقیم شامل ہیں۔
یہ بھی پڑھیں: زمبابوے کو 57 رنز سے شکست، پاکستان نے پہلا ٹی20 جیت لیا
پاکستان کی ٹیم کو 3 میچوں کی سیریز میں زمبابوے کے خلاف ایک۔صفر کی برتری حاصل ہے۔ 3 ٹی20 میچز کی سیریز میں میزبان سکواڈ کی قیادت سکندر رضا کررہے ہیں۔
گرین شرٹس نے پہلے ٹی20 میچ میں زمبابوے کو 57 رنز سے شکست دی تھی۔ اس سے قبل پاکستان ٹیم نے میزبان زمبابوے کی ٹیم کو 3 و ن ڈے میچوں کی سیریز میں 1-3 سے شکست دی تھی۔ دونوں ٹیموں کے درمیان تیسرا اور آخری ٹی20 میچ 5 دسمبر کو کھیلا جائے گا۔
