بانی تحریک انصاف عمران خان کی اہلیہ بشریٰ بی بی نے شکوہ کرتے ہوئے کہا کہ بھاگنے والی عورت نہیں ہوں، سب سے کہا تھا کہ مجھے اکیلا نہیں چھوڑنا لیکن پھر بھی ڈی چوک پر اکیلا چھوڑ دیا گیا تھا، جو لوگ روڈ خالی کرا رہے تھے وہ بھی اس بات کے گواہ ہیں۔
بشری بی بی کی چارسدہ میں اسلام آباد دھرنے میں جانبحق ہونے والے تاج الدین کے خاندان سے تعزیت ۔بشری بی بی نے تاج الدین کی بیوہ کو ایک کروڑ روپے کا امدادی چیک بھی دیا۔۔۔۔ pic.twitter.com/D9T7MLhtL7
— Farzana Ali (@farzanaalispark) December 6, 2024
بشریٰ بی بی اسلام آباد دھرنے میں جاں بحق ہونے والے تاج الدین کے گھر چارسدہ پہنچ گئیں، لواحقین کو ایک کروڑ کا چیک دیتے ہوئے کہا کہ پٹھانوں نے ہمیشہ غیرت مندی کا ثبوت دیا ہے، خان کے لیے نکلنے والوں کو کبھی اکیلا نہیں چھوڑ سکتی۔
انہوں نے چارسدہ میں گفتگو کرتے ہوئے کہا کہ وہ صرف یہ بتانا چاہتی ہیں کہ وہ ڈی چوک میں اکیلی تھیں۔ سمجھ نہیں آرہا تھا لوگ جھوٹ کیوں بول رہے تھے، ڈی چوک پر رات ساڑھے 12بجے وہ گاڑی میں اکیلی تھیں۔
’میں وہاں سے نہیں ہٹی تھی کیونکہ خان نے ہٹنے کا نہیں کہا تھا، جب میں وہاں سے نہیں جارہی تھی تو سیدھی میری گاڑی پر فائرنگ ہوئی، باقی قافلہ بعد میں آیا‘۔
بشریٰ بی بی نے کہا کہ عمران خان نے کہا تھا شہدا کے گھر جانا، ورکرز بانی کے نام پر شہید ہوئے ہیں، شہادتوں کی وجہ سے بہت تکلیف میں تھی۔
