بھارت کے دارالحکومت دہلی میں 40 سے زائد اسکولوں کو بم کی دھمکی موصول ہوئی ہے جس کے بعد طلبا کو گھر واپس بھیچ دیا گیا ہے۔
بھارتی میڈیا کے مطابق بم کی دھمکی ای میل کے ذریعے موصول ہوئی، جس میں دعویٰ کیا گیا تھا کہ اسکولوں کی عمارتوں کے اندر متعدد بم نصب کیے گئے ہیں۔ بم چھوٹے ہیں اور بہت اچھی طرح سے چھپے ہوئے ہیں، جنہیں ناکارہ بنانے کے لیے 30000 ڈالرز کا مطالبہ کیا گیا ہے۔
مزید پڑھیں: نئی دہلی میں مساجد کو تجاوزات کا نام دے کرمسمار کرنے کا سلسلہ شروع
ای میل میں لکھا گیا تھا کہ بموں سے عمارتوں کو زیادہ نقصان نہیں پہنچے گا تاہم ان کے پھٹنے سے بہت سے لوگ زخمی ہو سکتے ہیں۔ دوسری جانب دہلی پولیس آئی پی ایڈریس کی کھوج لگا رہی ہے اور ای میل بھیجنے والے کی تلاش کر رہی ہے۔
بھارتی میڈیا کا کہنا ہے کہ فائر بریگیڈ حکام بشمول ڈاگ اسکواڈ، بم ڈیٹیکشن ٹیموں اور مقامی پولیس نے اسکولوں میں پہنچ کر سرچ آپریشن کیا۔ تاہم ابھی تک اسکولوں سے کوئی مشکوک چیز نہیں ملی۔
