پاکستان کی ٹی20 انٹرنیشنل کرکٹ ٹیم نے 2024 میں 27 میں سے 16 میچ ہار کر روانڈا کا ریکارڈ برابر کر دیا ہے، اب انٹرنیشنل ٹی20 ٹیموں کی فہرست میں پاکستان اور روانڈا برابر پوزیشن پر آ گئے ہیں۔
یہ بھی پڑھیں:جوہانسبرگ میں شدید بارش، پاکستان اور جنوبی افریقہ کے درمیان تیسرا ٹی20 میچ منسوخ
انٹرنیشنل کرکٹ کونسل (آئی سی سی ) کے ٹی20 مقابلوں میں پاکستان نے 27 میں حصہ لیا جن میں پاکستان کو 16 میچوں میں شکست کا سامنا کرنا پڑا اور 11 میں کامیابی حاصل ہوئی، اسی طرح روانڈا کی ٹیم نے 24 میچ کھیلے جن میں سے 16 میں شکست ہوئی اور 8 میں فتح حاصل ہوئی۔
پاکستان اور روانڈا کے بعد ٹی20 فارمیٹ میں بھوٹان اور انڈونیشیا کو بھی مشکلات کا سامنا رہا، بھوٹان نے 19 میچ کھیلے جن میں 15 میں شکست کا سامنا رہا اور 4 میں کامیابی حاصل کی، اسی طرح انڈونیشیا نے بھی پاکستان کی طرح 27 میچ کھیلے جن میں سے 15 میں شکست ہوئی اور12 میں کامیابی حاصل کی۔
مزید پڑھیں:وائٹ واش کا خواب ادھورا رہ گیا، زمبابوے نے پاکستان کو تیسرے ٹی20 میں شکست دیدی
آئی سی سی کی جانب سے جاری چارٹ کے مطابق ٹی 20 مقابلوں میں پاکستان کی جیت کا تناسب انڈونیشیا سے بھی کم رہا۔ یہ اعداد و شمار پاکستان کی ٹی20 ٹیم کی کارکردگی پر سوالیہ نشان بن گئے ہیں، جو سال بھر غیر متوازن کارکردگی کا مظاہرہ کرتی رہی ہے۔
یہ بھی پڑھیں:جوہانسبرگ میں شدید بارش، پاکستان اور جنوبی افریقہ کے درمیان تیسرا ٹی20 میچ منسوخ
واضح رہے کہ ٹی20 فارمیٹ کا خالق پاکستان ہے، جس نے ایک ٹی20 ورلڈ کپ بھی جیت رکھا ہے، پاکستان کی ٹیم بولنگ اور بیٹنگ دونوں شعبوں میں ناکام نظر آ رہی ہے۔
