نیوزی لینڈ نے 3 ٹیسٹ میچز کی سیریز کے آخری میچ میں انگلینڈ کو 423 رنز سے شکست دے دی۔
ہملٹن میں کھیلے گئے میچ میں 658 کے تعاقب میں انگلینڈ کی ٹیم دوسری اننگز میں 234 رنز بنا کر آؤٹ ہو گئی۔ انگلینڈ کی جانب سے جیکب بیتھل نے 76 اور جو روٹ نے 54 رنز بنائے۔
یہ بھی پڑھیں: نیوزی لینڈ نے تیسرا ٹیسٹ میچ جیت لیا، 24 سال بعد بھارت کو گھر میں وائٹ واش کا سامنا
نیوزی لینڈ کی طرف سے مچل سینٹنر نے 4 جبکہ میٹ ہنری اور ٹم ساؤتھی نے 2، 2 وکٹیں حاصل کیں۔ نیوزی لینڈ نے اپنی پہلی اننگز میں 347 اور دوسری اننگز میں 453 رنز بنائے تھے۔
انگلینڈ کی ٹیم پہلی اننگز میں 143 رنز بنا کر آؤٹ ہو گئی تھی۔ نیوزی لینڈ کے مچل سینٹنر مین آف دی میچ جبکہ انگلینڈ کے ہیری بروک مین آف دی سیریز قرار پائے۔
یہ بھی پڑھیں: انگلینڈ کے کھلاڑیوں نے دی ہنڈریڈ 2025 کے بائیکاٹ کی دھمکی دے دی
واضح رہے کہ انگلینڈ نے 3 ٹیسٹ میچز کی سیریز 1-2 سے اپنے نام کی ہے۔ پہلے ٹیسٹ میچ میں انگلینڈ نے نیوزی لینڈ کو 8 وکٹوں اور دوسرے ٹیسٹ میچ میں 323 رنز سے شکست دی تھی۔
