بھارتی اسپورٹس جرنلسٹ وکرانت گپتا نے کہا ہے کہ کپتان روہت شرما کے جانے کا وقت ہوگیا ہے، اگر انہوں نے ریٹائرمنٹ کا اعلان نہ کیا تو یہ سر پرائزنگ ہوگا۔
ڈیجیٹل پلیٹ فارم ’اسپورٹس تک‘ پر بھارتی جرنلسٹ نے روہت شرما کی کپتانی سے ریٹائرمنٹ پر گفتگو کی، جب باکسنگ ڈے ٹیسٹ کے دوسرے دن ٹیم کی پرفارمنس زیر بحث تھی۔ بھارتی کپتان پہلی اننگز میں اوپننگ بیٹر کے طور پر میدان میں اترے تھے، انہیں صرف 3 کے انفرادی اسکور پر پیٹ کمنز نے پویلین کی راہ دکھائی۔
مزید پڑھیں: روہت شرما کی جگہ جسپریت بمراہ کو کپتان بنایا جائے، سنیل گواسکر کا انڈین بورڈ سے مطالبہ
وکرانت گپتا نے کہا کہ بھارت میں کوئی ایک پلیئر بھی ایسا نہیں، جس نے چیف سلیکٹر سے کہا ہو کہ میری بس ہوگئی، روہت شرما کا ریٹائرمنٹ کا ارادہ ہوتا تو وہ اوپننگ نہیں کرتے۔ جب کپتان کے رنز نہیں آرہے ہوتے ہیں تو اس کی ڈریسنگ روم میں عزت کم ہونا شروع ہوجاتی ہے، کرکٹ میں کوئی بھی ساری عمر کپتان نہیں رہتا۔
ان کا کہنا تھا کہ بھارتی کرکٹ میں کپتان آنے اور جانے کا سسٹم رہا ہے، نیا کپتان آئے گا، اس معاملے میں سوشل میڈیا کا اثر رسوخ بھی ہوگا۔ روہت شرما بہت ہی اچھے انسان ہیں، وہ میدان میں برا یا بد تمیزی والا رویہ نہیں رکھتے، لیکن بات یہاں پر بھارتی ٹیم کی ہو رہی ہے۔
مزید پڑھیں: روہت شرما کو آئی پی ایل میں 50 کروڑ آفر کی خبریں، ٹیم مالک نے اصل بات بتادی
کپتان روہت شرما آج کل آؤٹ آف فارم ہیں، انہوں نے آسٹریلیا سیریز کے دوران 5 اننگز میں بالترتیب 3، 6، 10 اور 3 کا اسکور بنائے یوں مجموعی طور پر صرف 22 رنز بنائے ہیں۔
