وزیراعلیٰ بلوچستان میر عبد القدوس بزنجو نے اور بم پروف گاڑی استعمال نہ کرنے کا فیصلہ کیا ہے جبکہ کابینہ اراکین، اعلی سول اور پولیس افسران کو بھی بلٹ پروف گاڑیوں کا استعمال نہ کرنے، تمام سرکاری بلٹ پروف اور بم پروف گاڑیوں کو فوری طور پر پارک کرنے کی ہدایات جاری کر دی ہیں۔
وزیراعلیٰ ہاؤس سے جاری بیان میں کہا گیا ہے کہ اگر کسی کو اپنی جان بہت عزیز ہے تو وہ اپنے اسکواڈ اور ڈیوٹی پر تعینات اہلکاروں کو بھی بلٹ پروف گاڑی کی سہولت فراہم کرے۔ ہم خود کو تو بلٹ پروف گاڑی میں محفوظ کر لیتے ہیں لیکن ہمارا سیکیورٹی اسٹاف ہماری وجہ سے ہدف بن جاتا ہے۔
وزیراعلیٰ میرعبد القدوس بزنجو نے کہا کہ کئی واقعات میں وی آئی پی ڈیوٹی پر تعینات سیکیورٹی اہلکار دہشت گردوں کا نشانہ بنے زندگی اور موت اللہ کے اختیار میں ہے جب وقت پورا ہو تو بلٹ پروف گاڑی بھی بچا نہیں سکے گی۔
وزیراعلیٰ نے مزید کہا کہ آئندہ مجھ سمیت کسی بھی وی آئی پی کے لیے روٹ نہیں لگے گا۔ ہم اپنی سہولت اور شان و شوکت کے لیے روٹ لگا کر عوام کو مشکل میں ڈالتے ہیں۔ عوام کی خدمت کے نعرے پر ووٹ لینے والے اقتدار میں آکر عوام کے لیے زحمت نہ بنیں۔
وزیراعلیٰ نے اپنے پرنسپل سیکریٹری کو گاڑیوں سے متعلق فوری طور تحریری حکم نامہ جاری کرنے کی ہدایت کردی ہے۔
