چیئرمین تحریک انصاف عمران خان نے پی ٹی آئی سندھ کے صدر علی زیدی کی گرفتاری کی مذمت کی ہے۔
سماجی رابطے کی ویب سائٹ ٹوئٹر پر اپنے بیان میں انہوں نے کہا کہ پہلے علی امین گنڈا پور اور اب علی زیدی کو گرفتار کر لیا گیا اور یہ سب اسی لندن پلان کے تحت ہو رہا ہے جس میں نواز شریف کو یقین دہانی کرائی گئی تھی کہ تحریک انصاف کو کچل دیا جائے گا۔
Strongly condemn arrest of another of our senior leaders, Ali Zaidi from Karachi. All part of the London Plan where Nawaz given assurances PTI would be crushed. Over 3000 PTI workers arrested, abducted, terrorised. Ali Amin & now Ali Zaidi abducted. A new plan underway for more
— Imran Khan (@ImranKhanPTI) April 15, 2023
سابق وزیراعظم نے کہا کہ تحریک انصاف کے ہزاروں کارکنوں کو اغواء اور گرفتار کیا گیا ہے۔ پولیس کے ذریعے غیر قانونی کارروائیاں کی جارہی ہیں۔
ان کا کہنا تھا کہ یہ سمجھتے ہیں کہ ان اقدامات سے یہ انتخابات میں ہمیں کمزور کر دیں گے تو دوٹوک الفاظ میں کہتا ہوں کہ یہ ہتھکنڈے ان کے کسی کام نہیں آئیں گے۔
عمران خان نے کہا کہ ایسے حربوں سے محض عوام کا غصہ ہی بڑھ رہا ہے اور یہ اسی لندن منصوبے کا خمیازہ بھی انتخابات میں بھگت لیں گے۔
کپتان گر جائے تو ٹیم ہار جاتی ہے، عمران خان
قبل ازیں افطار کے موقع پر کارکنوں سے خطاب کرتے ہوئے عمران خان نے کہا کہ کسی بھی ٹیم کا کپتان جب تک کھڑا رہتا ہے تو ٹیم بھی لڑتی رہتی ہے اور جب کپتان گر جائے تو ٹیم ہار جاتی ہے۔
سابق وزیراعظم نے مریم نواز پر تنقید کرتے ہوئے کہا کہ یہ کہتی تھی کہ میری لندن تو کیا پاکستان میں بھی کوئی جائیداد نہیں ہے اور پھر اس کے بعد اربوں روپے کی جائیداد لندن میں نکل آئی۔
