سپریم کورٹ نے ملٹری کورٹس کیس 7 جنوری کو سماعت کے لیے مقرر کردیا۔
یہ بھی پڑھیں: آئینی بینچ نے ملٹری کورٹس کو فیصلہ سنانے کی اجازت دے دی
اس ضمن میں سپریم کورٹ کے آئینی بینچ کی 6 سے 10 جنوری کی کاز لسٹ بھی جاری کر دی گئی ہے۔
عمران خان کی 8 فروری کے انتخابات میں دھاندلی کے حوالے سے آئینی درخواست 8 جنوری کو سماعت کے لیے مقرر کی گئی ہے۔ علاوہ ازیں شیر افضل مروت کی انتخابی دھاندلی کی درخواست بھی سماعت کے لیے مقرر ہوگئی ہے۔ سپریم کورٹ کا 7 رکنی آئینی بینچ 8 جنوری کو کیس پر سماعت کرے گا۔
لاپتا افراد کیس و دیگر مقدمات کی سماعت
آئینی بینچ نے لاپتا افراد کیس سماعت کے لیے مقرر کردی ۔ 7 رکنی آئینی بینچ 8 جنوری کو اس کیس کی سماعت کرے گا۔
مزید پڑھیے: عام انتخابات میں مبینہ دھاندلی، عمران خان اور شیر افضل مروت کی درخواستوں کی سماعت ملتوی
علاوہ ازیں ڈپٹی اسپیکر پنجاب رولنگ نظر ثانی کیس اور حمزہ شہباز کی نظر ثانی درخواست پر 9 جنوری کو سماعت کرے گا۔
ہائیکورٹ کے چیف جسٹسز کے صوابدیدی اختیارات کے خلاف درخواست 10 جنوری کو سماعت کے لیے مقرر کی گئی جبکہ طلبہ تنظیموں پر پابندی کے خلاف درخواست پر بھی 10 جنوری کو ہی سماعت ہوگی۔
مزید پڑھیں: آئینی بینچ: 2005 زلزلہ متاثرین کی پراگرس رپورٹ طلب، متفرق مقدمات کی سماعت
آئینی بینچ نے سنہ 2005 کے زلزلہ متاثرین کی بحالی کا کیس بھی سماعت کے لیے مقرر کر دیا ہے۔ جسٹس امین الدین خان کی سربراہی میں 7 رکنی آئینی بینچ 7 فروری کو اس مقدمے کی سماعت کرے گا۔
اس حوالے سے عدالت نے ایرا سمیت تمام فریقین بشمول اٹارنی جنرل کو نوٹس جاری کر دیے ہیں۔
