آسٹریلیا نے سڈنی ٹیسٹ میں بھارت کو 6 وکٹوں سے شکست دے کر 5 میچوں پر مشتمل ٹیسٹ سیریز (بارڈر گواسکر ٹرافی) 1-3 سے اپنے نام کرلی ہے۔
سڈنی ٹیسٹ میں انڈیا نے پہلی اننگز میں 185 رنز بنائے جس کے جواب میں آسٹریلوی ٹیم 181 رنز بناسکی۔ دوسری اننگز میں انڈیا نے 157 رنز بنائے جو کے جواب میں آسٹریلیا نے 4 وکٹوں پر 162 رنز بناکر آخری ٹیسٹ میچ بھی جیت لیا۔
یہ بھی پڑھیں: جنوبہ افریقہ نے ورلڈ ٹیسٹ چیمپیئن شپ کے فائنل کے لیے کوالیفائی کرلیا
دوسری اننگز میں آسٹریلیا کی جانب سے ڈیبیو کرنے والے بیو ویسٹر نے ناقابل شکست 38 رنز جبکہ ٹریوس ہیڈ 34 رنز بنا کر ناٹ آوٹ رہے۔ آسٹریلیا کے اسکاٹ بولینڈ میچ میں مجموعی طور پر 10 وکٹیں حاصل کرنے پر بہترین کھلاڑی قرار پائے جبکہ بھارت کے جسپریت بمراہ کو سیریز میں 32 وکٹیں لینے اور 42 رنز بنانے پر سیریز کے بہترین کھلاڑی کا ایوارڈ دیا گیا۔
ٹیسٹ سیریز میں شکست کے بعد بھارت ورلڈ ٹیسٹ چیمپیئن شپ سے باہر ہوگیا ہے جبکہ جنوبی افریقہ نے ورلڈ ٹیسٹ چیمیئن شپ کے لیے کوالیفائی کر لیا ہے، اس بار ورلڈ ٹیسٹ چیمپئن شپ کا فائنل لارڈز میں 11 جون سے آسٹریلیا اور جنوبی افریقہ کے مابین ہوگا۔
