وزیراعظم پاکستان شہباز شریف کا ایک ویڈیو کلپ اِن دنوں سوشل میڈیا پر خوب وائرل ہے جس میں وہ ایک تقریب سے خطاب کے دوران حاضرین کو بتانے کی کوشش کر رہے ہیں کہ جاپان میں احتجاج ’اُووو اُووو‘ کر کے ریکارڈ کروایا جاتا ہے۔
شہباز شریف کا یہ کلپ سوشل میڈیا پر وائرل ہوا تو اس پر خوب میمز بنائی گئیں اور صارفین نے مختلف طریقوں سے ’اُووو‘ ’اُووو‘ کر کے اپنا احتجاج ریکارڈ کرایا جس میں پی ٹی آئی کے حامی صارفین کے علاوہ صحافی بھی شامل تھے۔
یہ بھی پڑھیں: ’اُووووو‘ کا مطلب کیا ہے؟‘ وزیراعظم شہباز شریف کے خطاب پر صارفین کے تبصرے
اب حال ہی میں پاکستان کرکٹ ٹیم کے سابق کپتان محمد حفیظ نے سماجی رابطوں کی سائیٹ ایکس پر اپنے پیغام میں ’اُووو، اُووو‘ کر کے احتجاج ریکارڈ کرایا ہے اور ساتھ ہی ہیش ٹیگز کا استعمال بھی کیا ہے جس میں ’پاکستان ڈومیسٹک کرکٹ‘، ’پریزیڈنٹ ٹرافی‘ اور ’ڈیپارٹمنٹ کرکٹ‘ شامل ہیں۔
Ooooo Ooooo Ooooo….. #PakistanDomesticCricket #PresidentTrophy #DepartmentCricket
— Mohammad Hafeez (@MHafeez22) January 5, 2025
محمد حفیظ کی ٹوئٹ ایکس پر وائرل ہوئی۔ صارفین کی جانب سے اس پر مختلف تبصرے کیے گئے۔ کسی نے احتجاج میں ان کا ساتھ دیا تو کوئی یہ سوال پوچھتا نظرآیا کہ آخر یہ احتجاج ہو کیوں رہا ہے۔
رئیس خان نامی صارف نے محمد حفیظ سے سوال کیا کہ سر! اس کا ترجمہ کون کرے گا؟
Sir
Es ke translation Kun Kary ga?#AskMhafeez#professor https://t.co/dGAh64JZm1— Raees khan (@Raees141) January 5, 2025
رضوان علی نے سابق کپتان محمد حفیظ سے سوال کیا کہ آپ کس بات پر احتجاج کر رہے ہیں؟
Kis Bat Pai protest kar rahy hain Ap professor Sahib…….???? 😁 https://t.co/DyorobOPef
— 𝐑𝐢𝐳𝐰𝐚𝐧 𝐀𝐥𝐢 𝐑𝐢𝐳𝐮 (@i_Rizuu) January 5, 2025
ایک ایکس صارف نے لکھا کہ مسٹر پروفیسر! ہو سکتا ہے کہ اب آپ کے احتجاج پر غور کیا جائے کیونکہ آپ نے احتجاج کا ٹھیک طریقہ اختیار کیا ہے۔
مسٹر پروفیسر ہو سکتا اب آپ کے احتجاج پر غور کیا جائے۔۔!!!
کیوں کے آپ نے احتجاج کا ٹھیک طریقہ اختیار کیا ہے۔۔۔۔۔۔🫣😂
Oooooooo Oooooo Ooooooo https://t.co/wazMfRGZmB
— Khansa ملک (@Khanii_173) January 6, 2025
واضح رہے کہ حال ہی میں وزیراعظم شہباز شریف نے ایک تقریب کے دوران بتایا کہ جاپان کے دورے کے موقع پر میں جاپان کی ہونڈا فیکٹری جا رہا تھا کہ راستے میں ’اُووو اُووو‘ کی آوازیں آئیں تو میں میزبان سے پوچھنے والا تھا کہ آخر یہ آوازیں کیسی ہیں؟ لیکن پھر چپ ہو گیا اور نہیں پوچھا۔ پھر دوسری بار اووو کی آوازیں آئیں ، جب تیسری مرتبہ یہی آوازیں آئیں تو مجھ سے رہا نہ گیا تو میں نے میزبان سے پوچھا کہ یہ کیا ہورہا ہے تو انہوں نے بتایا کہ یہ ملازمین احتجاج کررہے ہیں۔
شہباز شریف نے کہا کہ جاپان میں احتجاج کے موقع پر بھی کام نہیں رکا، پروڈکشن جاری رہی اور انہوں نے اپنا احتجاج ’اُووو اُووو‘ کرکے ریکارڈ کروایا لیکن پاکستان میں تو اسلام آباد پر لشکر کشی ہوجاتی ہے۔
