ذرائع کے مطابق انڈونیشیا کے صدر وزیراعظم شہباز شریف کی دعوت پر پاکستان کا دورہ کر رہے ہیں۔
انڈونیشیا کے صدر پرابوو سوبیانتو 26 جنوری کو پاکستان کے اپنے 2 روزہ دورے پر اسلام آباد پہنچ رہے ہیں۔
ذرائع کا کہنا ہے کہ انڈونیشیا کے صدر وزیراعظم شہباز شریف کی دعوت پر پاکستان کا دورہ کر رہے ہیں۔
ذرائع کے مطابق انڈونیشیا کے صدر 27 جنوری کو اسلام آباد میں مصروف دن گزاریں گے۔ اس دورے کے دوران انڈونیشیا اور پاکستان میں 10 کے قریب مفاہتی یاداشتوں پر دستخط کا امکان ہے۔
اس دورے کا مقصد دونوں ممالک کے درمیان دوطرفہ تعاون کو فروغ دینا ہے۔
یہ بھی پڑھیے:وزیراعظم محمد شہباز شریف کی انڈونیشیا کے صدر پرابوو سوبیانتو سے ملاقات
یاد رہے کہ وزیراعظم شہباز شریف نے منگل کے روز وفاقی کابینہ سے خطاب کرتے ہوئے کہا تھا کہ انڈونیشیا کے صدر جلد پاکستان کے دورے پر تشریف لارہے ہیں اور ان سے دونوں ممالک کے درمیان معاشی سرگرمیوں میں اضافے پر گفتگو ہوگی۔
