صدر مملکت آصف علی زرداری اور وزیراعظم پاکستان شہباز شریف نے نومنتخب امریکی صدر ڈونلڈ ٹرمپ کو 47ویں صدر کے طور پر عہدہ سنبھالنے پر مبارکباد پیش کی ہے۔
یہ بھی پڑھیں ڈونلڈ ٹرمپ نے صدر کے عہدے کا حلف اٹھا لیا، مہنگائی کم کرنے کے لیے قومی انرجی ایمرجنسی کا اعلان
صدر مملکت آصف علی زرداری نے اپنے ایک بیان میں نومنتخب امریکی صدر ڈونلڈ ٹرمپ کے لیے نیک خواہشات کا اظہار کیا۔
دوسری جانب وزیراعظم پاکستان شہباز شریف نے سماجی رابطے کی سائٹ ’ایکس‘ پر اپنے ایک بیان میں کہاکہ میں نومنتخب امریکی صدر ڈونلڈ ٹرمپ کے ساتھ مل کر امریکا اور پاکستان کی دیرینہ شراکت داری کو مزید مستحکم کرنےکا متمنی ہوں۔
وزیراعظم شہباز شریف نے کہاکہ یہ دو عظیم ملک برسوں سے اپنے لوگوں کے لیے خطے میں امن اور خوشحالی کے لیے مل کر کام کررہے ہیں اور ہم یہ تعاون مستقبل میں بھی جاری رکھیں گے۔
یہ بھی پڑھیں امن کی خواہش خوش آئند، ٹرمپ انتظامیہ کے ساتھ مذاکرات کے لیے تیار ہیں، روسی صدر
واضح رہے کہ نومنتخب امریکی صدر ڈونلڈ ٹرمپ نے اپنے عہدے کا حلف اٹھا لیا، اس سے قبل انہوں نے وائٹ ہاؤس کا دورہ کیا اور جوبائیڈن سے ملاقات کی۔ سبکدوش ہونے والے صدر جوبائیڈن نے ڈونلڈ ٹرمپ کا وائٹ ہاؤس آمد پر استقبال کیا۔
