پاکستان میں ہونے والی سہ ملکی سیریز میں شرکت کے لیے جنوبی افریقہ کی ون ڈے کرکٹ ٹیم بھی پاکستان پہنچ گئی ہے۔
پاکستان کرکٹ بورڈ (پی سی بی) کے مطابق، پاکستان اور نیوزی لینڈ کے خلاف سہ ملکی سیریز میں شرکت کے لیے جنوبی افریقہ کی ٹیم آج صبح لاہور ایئر پورٹ پہنچی جسے سخت سیکیورٹی میں ہوٹل پہنچایا گیا۔
یہ بھی پڑھیں: سہ ملکی سیریز: نیوزی لینڈ کرکٹ ٹیم کی لاہور آمد، سخت سیکیورٹی میں ہوٹل پہنچایا گیا
قبل ازیں، نیوزی لینڈ کی ٹیم بدھ کو آکلینڈ سے براستہ دبئی لاہور پہنچی تھی۔ نیوزی لینڈ کی ٹیم نے گزشتہ روز پریکٹس سیشن کا آغاز کیا تھا۔ جنوبی افریقہ کی ٹیم کل ٹریننگ سیشن میں حصہ لے گی۔
Temba Bavuma-led South Africa team arrives in Lahore for the ODI tri-series 🇿🇦🏏#3Nations1Trophy pic.twitter.com/oVVOSfTlzr
— Pakistan Cricket (@TheRealPCB) February 6, 2025
واضح رہے کہ پاکستان میں ہونے والی سہ ملکی سیریز سنگل لیگ کی بنیاد پر 8 سے 14 فروری تک کھیلی جائے گی جس کے ابتدائی 2 میچز لاہور کے قذافی اسٹیڈیم میں ہوں گے جبکہ آخری لیگ میچ اور فائنل کراچی کے نیشنل بینک اسٹیڈیم میں ہوگا۔
یہ بھی پڑھیں: اعلان کے باوجود سہ ملکی سیریز کے ٹکٹس شائقین کرکٹ کو کیوں نہیں مل سکے؟
پاکستان اور نیوزی لینڈ کے درمیان سیریز کا آغاز 8 فروری کو قذافی اسٹیڈیم میں ہوگا جبکہ دوسرا میچ 10 فروری کو نیوزی لینڈ اور جنوبی افریقہ کے مابین ہوگا۔
پاکستان 12 فروری کو نیشنل اسٹیڈیم کراچی میں جنوبی افریقہ کے خلاف ڈے نائٹ میچ کھیلے گا۔ سیریز کا فائنل 14 فروری کو کراچی میں ہی کھیلا جائے گا۔
