وزیر دفاع خواجہ آصف نے کہا ہے کہ جب بھی ملک میں کوئی قابل فخر ایونٹ ہوتا ہے پاکستان تحریک انصاف (پی ٹی آئی) ملک میں انتشار شروع کر دیتی ہے، آج ہم ملک میں یوم تعمیر وترقی منا رہے ہیں اور یہ انتشار کی سیاست کر رہے ہیں، اب ملک میں ایک اور 9 مئی اور 26 نومبر کی اجازت نہیں دی جا سکتی۔
یہ بھی پڑھیں:عمران خان کو کہیں منتقلی کی کوئی پیشکش نہیں کی گئی، سوال یہ ہے ان پر اعتبار کون کرے، خواجہ آصف
ہفتہ کے روز سیالکوٹ میں پریس کانفرنس سے خطاب کرتے ہوئے وزیر دفاع خواجہ آصف نے کہا کہ آج میں ملک میں سہ فریقی کرکٹ سیریز شروع ہوئی ہے، چیمپیئن ٹرافی بھی ہونے جا رہی ہے اور قوم دیکھ رہی ہے کہ اس قابل فخر ایونٹ کے دوران پی ٹی آئی پھر سڑکوں پر انتشار لے کر آ گئی ہے۔
خواجہ آصف نے کہا کہ جب بھی پاکستان میں کوئی قابل فخر ایونٹ شروع ہوتا ہے تو یہ جلسے، جلوس اور احتجاج شروع کردیتے ہیں، ان کا مقصد پاکستان کے عالمی سطح پر قد کاٹھ اور تقریم کو بدنام کرنا ہے، انہیں ملک میں بہتری اور ترقی ہضم نہیں ہورہی ہے۔
مزید پڑھیں:حکومت ملک ریاض پر ہاتھ ڈالے گی اور انہیں یو اے ای سے واپس لائے گی، خواجہ آصف
خواجہ آصف نے کہا کہ پی ٹی آئی والے ایسے واقعات کرکے پاکستان کی ترقی کو روکنا چاہتے ہیں، آج کے جلسے میں یہ سرکاری وسائل کا بےدریغ استعمال کر رہے ہیں، پی ٹی آئی والوں کے جلسوں میں ان کی لیڈر شپ آپ کو نظر نہیں آئے گی۔
انہوں نے کہا کہ ہمارا پرامن احتجاج اور جلسے جلسوں پر کوئی اختلاف یا اعتراض نہیں ہے لیکن یہ بات جان لیں کہ ملک میں ایک اور9 مئی اور ایک اور 26 نومبر کی اجازت نہیں دی جا سکتی، ان کے تمام پچھلے جلسوں تشدد پرختم ہوئے، انتشار پھیلتا ہے تو ان کے اپنے لوگ بھی مارے جاتے ہیں اور ملک میں امن و امان برقرار رکھنےوالوں پر بھی حملہ آور ہوتے ہیں۔
انہوں نے کہا کہ قانون کے دائرے میں رہ کر جلسے کیے جائیں تو انتظامیہ کی طرف سے مناسب انتظامات بھی کیے جاسکتے ہیں، لیکن پی ٹی آئی والے ریاست پر حملہ آور ہوتے ہیں، پی ٹی آئی والوں نے 9 مئی جیسے واقعات کیے۔
یہ بھی پڑھیں:مذاکرات سے انکار کی کوئی بنیاد نہیں، پی ٹی آئی والے عمران خان کے ساتھ بھی مخلص نہیں، خواجہ آصف
خواجہ آصف نے کہا کہ وزیراعلیٰ خیبرپختونخوا کہتے ہیں ہمارے 99مطالبات منظور ہوگئے ہیں، علی امین گنڈا پور اگر آپ کے مطالبات منظور ہوگئے ہیں تو یہ احتجاج کیوں کررہے ہیں۔
انہوں نے کہا کہ یہ کہتے تھے کہ ٹرمپ آئے گا اور بانی پی ٹی آئی رہا ہو جائیں گے، ٹرمپ توآگیا ہے بانی پی ٹی آئی باہر نہیں آ رہے ہیں، یہ لوگ مذاکرات کے لیے یہ پہلے پائوں پڑے جس پر میں نے پہلے ہی کہاتھا کہ ان سے مذاکرات بے سود ثابت ہوں گے یہ اس میں سنجیدہ نہیں تھے۔
مزید پڑھیں:آرمی چیف نے بیرسٹر گوہر سے ہونے والی ملاقات بارے وزیراعظم کو آگاہ کردیا، وزیر دفاع خواجہ آصف
خواجہ آصف نے کہا کہ پی ٹی آئی کے جلسوں کے باوجود نوازشریف کی قیادت میں ملک ترقی کررہاہے، ملک میں مہنگائی کی شرح میں کمی آرہی ہے، سٹاک ایکسچینج آئے روز ریکارڈ بنا رہی ہے، ان کے دور میں لوگ لٹ گئے تھے، وزیراعظم شہبازشریف نے بجلی کی قیمتوں میں مزید کمی کی شنوائی دی ہے؎
انتشار سے ان کے ورکرز ہی مارے جاتے ہیں، ان کی کوشش ہوتی ہے کہ جب بھی ملک میں کوئی اہم ایونٹ ہوتا ہے یہ پاکستان کے عالمی سطح پر قد کاٹھ اور تقریم کو بدنام کرنے کی کوشش کرتے ہیں۔
خواجہ آصف نے کہا کہ کچھ صوبوں میں دہشتگردی نے دوبارہ سر اٹھایا ہے، پی ٹی آئی والے جلسوں میں سرکاری لوگ لاتے ہیں، کل قذافی اسٹیڈیم میں افتتاح ہوا ہے وہاں رونق لگی ہوئی تھی، کاش خیبرپختونخوا، کوئٹہ اوردیگر صوبوں میں بھی ایسی رونق لگے، پی ٹی آئی والے اپنے رویوں میں تبدیلی لائیں۔
یہ بھی پڑھیں:چور چور کے نعرے لگانے والا خود ڈاکے میں ملوث نکلا، خواجہ آصف
انہوں نے کہا کہ پی ٹی آئی والے صرف اقتدارچاہتے ہیں ان کو ملکی ترقی سے کوئی سروکار نہیں، بین الاقوامی برادری کا احترام کرتے ہیں ان سے اچھے تعلقات چاہتے ہیں، ملکی سلامتی پر کوئی سمجھوتا نہیں کریں گے، بانی پی ٹی آئی پر 9مئی واقعات پر کیسز بنے ہوئے ہیں۔
