مائیکروسافٹ کی حمایت یافتہ مصنوعی ذہانت کی کمپنی اوپن اے آئی کے سربراہ سیم آلٹ مین نے ملازمین کو مطلع کیا ہے کہ کمپنی کے بورڈ کا مصنوعی ذہانت کی فرم کو کنٹرول کرنے والی غیر منافع بخش کمپنی کے حصول کے لیے ایلون مسک کی مفروضہ بولی پر کان دھرنے کا کوئی ارادہ نہیں ہے۔
میڈیا رپورٹس کے مطابق ٹیک بلینائر ایلون مسک کی قیادت میں ایک کنسورشیم، بشمول اس کے اے آئیا سٹارٹ اپ ایکس اے آئی اور سرمایہ کاری کمپنیوں نے اوپن اے آئی کو کنٹرول کرنے کے لیے97.4 ارب ڈالر کی پیشکش کی تھی۔
یہ بھی پڑھیں:ایپل کی اوپن اے آئی سے شراکت داری پر ایلون مسک کی دلچسپ ٹویٹ
مذکورہ بولی ایلون مسک اور سیم آلٹ مین کے درمیان جاری جھگڑے کے تازہ ترین باب کی نشاندہی کرتی ہے، جنہوں نے 2015 میں مشترکہ طور پر اوپن اےآئی کی بنیاد رکھی تھی لیکن بعد میں اس کی قیادت پر جھگڑا ہوگیا تھا۔
no thank you but we will buy twitter for $9.74 billion if you want
— Sam Altman (@sama) February 10, 2025
آلٹ مین نے ایلون مسک کے پلیٹ فارم ایکس پر ہی ان کی پیشکش کو مسترد کرتے ہوئے لکھا کہ نہیں شکریہ، لیکن اگر آپ چاہیں تو ہم 9.74 ارب ڈالر میں ٹوئٹر خرید لیں گے، جس کے جواب میں مسک نے انہیں کو ’اسکیم آلٹ مین‘ لکھا۔
مزید پڑھیں:سیم آلٹ مین کی ایک ہفتے بعد مائیکرو سافٹ سے دوبارہ اوپن اے آئی میں واپسی کی وجہ کیا ہے؟
ایلون مسک نے طویل عرصے سے اوپن اے آئی پر یہ دلیل دیتے ہوئے تنقید کی ہےکہ یہ ایک اوپن سورس، غیر منافع بخش اے آئی تحقیقی ادارے کے طور پر اپنے اصل مشن سے منحرف ہوچکا ہے، انہوں نے 2018 میں اوپن اے آئی کے بورڈ سے استعفیٰ دینے کے بعد کمپنی کے خلاف مقدمہ بھی دائر کیا تھا۔
ایلون مسک کے قانونی دعویٰ کی بنیاد تھی کہ اوپن اے آئی عوامی مفاد پر منافع کو ترجیح دیتی ہے، ایلون مسک کے وکیل الیکس ٹوبروف کے مطابق ایلون مسک نے اوپن اے آئی چھوڑنے سے قبل اسے تقریباً 45 ملین ڈالر کا مالی تعاون فراہم کیاتھا۔
مزید پڑھیں: صدر ٹرمپ کی حلف برداری کے بعد ایلون مسک پر نازی سلیوٹ دینے کا الزام
2022 میں چیٹ جی پی ٹی کی کامیابی نے اوپن اے آئی کی عالمی اہمیت میں اضافہ کیا تھا، جس سے اندرونی تنازعات میں شدت آئی، کمپنی کے بورڈ نے 2023 کے اواخر میں سیم آلٹ مین کو برطرف کر دیا، تا کہ وہ ایک تنظیم نو کی قیادت کی ٹیم کے ساتھ واپس آئیں۔
جنوری میں عہدہ سنبھالنے کے بعد، امریکی صدر ڈونلڈ ٹرمپ نے مصنوعی ذہانت کی ترقی کو تقویت دینے کے لیے 500 ارب ڈالرانفرا اسٹرکچر سرمایہ کاری کا اعلان کیا، جس کی حمایت جاپانی کمپنی سوفٹ بینک، کلاؤڈ میجر اوریکل اور اوپن اے آئی نے کی تھی۔
