اس وقت آئی سی سی چیمپیئنز ٹرافی جاری ہے اور کل اس ایونٹ کا اہم میچ پاکستان اور انڈیا کے درمیان کھیلا جانا ہے، پاکستان اور انڈیا ہی نہیں بلکہ دنیا بھر کے شائقین کرکٹ کی نظریں اس میچ پر ہیں۔
یہ بھی پڑھیں:چیمپیئنز ٹرافی: پاک بھارت میچ بارش سے متاثر ہونے کا کتنا امکان ہے؟
کرکٹ کی دنیا کے ان 2 روایتی حریفوں کے درمیان جب بھی میچ ہوتا ہے، میڈیا اسے ٹاکرا اور دنگل جیسے عنوانات دے کر میچ سے بڑھ کر جنگ کی فضا پیدا کرنے کی کوشش کرتا ہے۔ نفرت کی اس فضا میں ہوا کا تازہ جھونکا ’ٹین اسپورٹس‘ کی جانب سے آیا ہے۔
سوشل میڈیا پر ریلیز ہونے والے ٹین اسپورٹس کے پروگرام ’ڈی پی ورلڈ ڈریسنگ‘ کے اشتہار میں پاکستان کے لیجنڈری کھلاڑی وسیم اکرم اور وقار یونس کے ساتھ انڈیا کے مشہور کرکٹر نکھل چوپڑا اور اجے جڈیجا کو دکھایا گیا ہے، جو کرکٹ پر بات سے پہلے ایک دوسرے کے ملکوں میں مقبول گلوکاروں، ڈراموں، کھانوں اور سوغاتوں کی بات کرتے ہیں۔
– It’s #PAKvIND time and we’ve got you covered at the DP WORLD DRESSING ROOM! 🙌#TheDressingRoom #AskTheRoom #DPWORLD #ChampionsTrophy #TenSports pic.twitter.com/Z4wwTEkW2z
— Wasim Akram (@wasimakramlive) February 22, 2025
ایک جانب سے کشوکمار اور اے آر رحمان کے فن کا اعتراف ہوتا ہے تو دوسری طرف سے نصرت فتح علی خان، علی حیدر کی گائیگی کو سراہا جاتا ہے۔ ایک امیتابھ کی اداکاری کے گُن گاتا ہے تو دوسرا پاکستانی ڈراموں کا معترف نظر آتا ہے۔
بات انڈیا کے مشہور کٹوری کباب اور چٹنی سے ہوتی ہوئی ملتان کے سوہن حلوے پر تمام ہوتی ہے۔ اس کے ساتھ ہی اس اشتہار میں فخر عالم کی انٹری ہوتی ہے جو بتاتے ہیں کہ دوسرے پروگرام اور چینلز آپ کو بتائیں گے کہ 23 فروری سنڈے کے دن جنگ ہونے والی ہے، اکھاڑ پچھاڑ ہونے والی ہے، اکھاڑا سجنے والا ہے، لڑائی ہونے والی ہے، مگر یہاں ڈی پی ورلڈ ڈریسنگ روم میں ہم کرکٹ کو باہمی احترام اور محبت کے ساتھ انجوائے کریں گے۔
یہ بھی پڑھیں:چیمپیئنز ٹرافی: انگلینڈ کے بیٹر بین ڈکٹ نے 21 سال پرانا ریکارڈ توڑ دیا
سوشل میڈیا پر ٹین اسپورٹس کے اس اشتہار کو اس کے مثبت کونٹینٹ کی وجہ سے سراہا جا رہا ہے۔
