وفاقی وزیر برائے ترقی و منصوبہ بندی احسن اقبال نے کہا ہے کہ ملک میں مہنگائی 38 فیصد سے کم ہوکر 4فیصد رہ گئی۔ ہمیں ملکی معیشت کے حجم کو 2030 تک 30 ٹریلین ڈالرز تک پہنچانا ہے۔
مسلم لیگ ن کے رہنما اور وفاقی وزیر برائے ترقی و منصوبہ بندی احسن اقبال نے میڈیا سے گفتگو کرتے ہوئے کہا ہے کہ قومی فرض ہے، پاکستان کی ترقی کے لیے مل کر کام کرے۔ ہمیں ملکی معیشت کے حجم کو 2030 تک 30 ٹریلین ڈالرز تک پہنچانا ہے۔
یہ بھی پڑھیےملک کسی سیاسی لانگ مارچ کا متحمل نہیں ہو سکتا، مل کر کام کرنا ہوگا، احسن اقبال
انہوں نے کہا ہے کہ گزشتہ 2 برسوں کے دوران ملکی معشت مستحکم ہوئی ہے۔ 2022 میں کو پاکستان ڈیفالٹ کر گیا تھا۔
اب ملکی تاریخ پہلی مرتبہ ترقیاتی بجٹ کی آخری قسط جاری نہیں کی گئی۔ جبکہ ملک میں مہنگائی 38 فیصد سے کم ہوکر 4فیصد رہ گئی۔
احسن اقبال نے کہا کہ ہمیں کسی سیاسی گرینڈ الائنس کی ضرورت نہیں ہے، ملکی ترقی کے لیے گرینڈ الائنس کی ضرورت ہے، اس لیے سیاسی لانگ مارچوں سے پرہیز کرنا چاہیے۔
یہ بھی پڑھیےبس بہت ہوگیا، اب پاکستان کی ترقی میں کوئی رکاوٹ برداشت نہیں کریں گے، احسن اقبال
وفاقی وزیر نے کہا کہ ملک کے 60 فیصد وسائل صوبوں کو منتقل کر دیے ہیں۔ وفاق بہ مشکل قرض ادا کر پا رہا ہے۔ انہوں نے کہا کہ خیبر پختونخوا کے جو مسائل ہے، انہیں بیٹھ کر حل کریں گے۔
