وزیراعظم شہباز شریف کے مشیر رانا ثنا اللہ نے کہا ہے کہ بھارتی خفیہ ایجنسی ’را‘ دہشتگردوں کی ماں کا کردار ادا کررہی ہے جو بلوچستان میں ہونے والے دہشتگردی کے واقعات میں ملوث ہے۔
یہ بھی پڑھیں: جعفر ایکسپریس حملہ: وزیرداخلہ کو وہاں بھیج بھی دیتے تو وہ کیا کرتے؟ رانا ثنااللہ
فیصل آباد میں میڈیا سے گفتگو کرتے ہوئے رانا ثنااللہ نے کہا کہ حالیہ واقعے میں تمام دہشتگردوں کو ہلاک اوور تمام افراد کو بازیاب کروایا جا چکا ہے، دہشتگردی کےلیے افغان سرزمین کا استعمال ہونا افسوسناک ہے، افغان حکومت کو دہشتگردوں کے خلاف کارروائی کرنی ہوگی۔
انہوں نے کہا کہ بلوچستان میں دہشتگردوں کے خلاف انٹیلی جنس بیسڈ آپریشن ہو رہے ہیں، بلوچستان میں کوئی بڑا آپریشن نہیں ہو رہا، خفیہ معلومات کی بنیاد پر دہشتگردوں کیخلاف روزانہ آپریشن ہو رہے ہیں، جس سے دہشتگردوں کا قلع قمع بھی کیا جا رہا ہے۔
یہ بھی پڑھیں: آرمی چیف کا ردعمل عمران خان کو صاف جواب ہی سمجھا جائے، رانا ثنااللہ
ان کا کہنا تھا کہ قومی وقار اور سلامتی کے خلاف تمام سازشیں ناکام بنائیں گے، دہشتگردی پر جو پروپیگنڈا بھارت کررہا ہے وہی ایک مخصوص سیاسی جماعت بھی کررہی ہے۔
