ایک لمبے عرصے تک نقصان میں چلنے والی قومی ایئرلائن (پی آئی اے) منافع کمانے لگی ہے، وزیر دفاع خواجہ آصف نے اس حوالے سے تفصیلات شیئر کردیں۔
یہ بھی پڑھیں پی آئی اے کی نجکاری: بلیو ورلڈ سٹی کی 10ارب روپے کی بولی مسترد
خواجہ آصف نے سماجی رابطے کی سائٹ ’ایکس‘ پر اپنے بیان میں لکھا کہ پاکستان انٹرنیشنل ایئرلائنز کارپوریشن لمیٹڈ نے مالی سال 2024 کے اپنے اکاؤنٹس کی منظوری دے دی ہے، اور 21 سال کے بعد اس نے 9.3 بلین کا آپریٹنگ منافع اور 26.2 بلین کا خالص منافع حاصل کیا ہے۔
#PIACL بورڈ نے آج مالی سال 2024 کے اپنے اکاؤنٹس کی منظوری دے دی ہے، اور 21 سالوں کے بعد، اس نے PKR 9.3 بلین کا آپریٹنگ منافع اور PKR 26.2 بلین کا خالص منافع حاصل کیا ہے (موخر ٹیکس ایڈجسٹمنٹ کے بعد)۔#پاکستان کے لوگ شاید ‘ایک بار قوم کا فخر’ پر امید کھو چکے تھے، لیکن حکومت کے سخت…
— Khawaja M. Asif (@KhawajaMAsif) April 8, 2025
انہوں نے کہا کہ راستوں کی اصلاح اور مالیاتی نظم و ضبط کے تحت جامع اصلاحات نافذ کی گئیں، قومی ایئرلائن اب نجکاری کے ذریعے مالیاتی کارکردگی سے فائدہ اٹھانے کے لیے تیار ہے۔
خواجہ آصف نے کہاکہ قوم کا فخر سمجھی جانے والی ایئرلائن پر عوام نے امید کھو دی تھی، حکومت کے سخت اقدامات کے باعث قومی ایئرلائن میں مثبت تبدیلی ممکن ہوئی۔ وزیراعظم شہباز شریف کی قیادت میں چاروں اطراف سے اچھی خبریں آرہی ہیں۔
یاد رہے کہ کچھ روز قبل کابینہ کمیٹی برائے نجکاری (سی سی او پی) نے پاکستان انٹرنیشنل ایئرلائنز (پی آئی اے سی ایل) کے 51 سے 100 فیصد شیئر کیپٹل کی نجکاری اور انتظامی کنٹرول کی منتقلی کی منظوری دی تھی۔
یہ بھی پڑھیں سپریم کورٹ: آئینی بینچ نے پی آئی اے کی نجکاری روکنے کا حکم واپس لے لیا
یہ بھی واضح رہے کہ اس سے قبل پی آئی کی نجکاری کی کئی کوششیں ناکام ہوچکی ہیں، ایک بار بولی کا عمل بھی ہوا، لیکن انتہائی کم بولی کی وجہ سے معاملہ مؤخر کردیا گیا تھا۔
