جنوبی وزیرستان کے علاقے لوئر وانا میں بم دھماکے کے نتیجے میں 7 افراد جاں بحق جبکہ 16 افراد زخمی ہوئے ہیں۔
ابتدائی اطلاعات کے مطابق بم دھماکے میں مقامی امن کمیٹی کے دفتر کو نشانہ بنایا گیا، دھماکے کے نتیجے میں دفتر کی عمارت زمین بوس ہوگئی جبکہ کمیٹی کے 2 اراکین بھی زخمی ہوئے۔
یہ بھی پڑھیے: سیکیورٹی فورسز کا جنوبی وزیرستان میں آپریشن، 30 دہشتگرد ہلاک
دھماکے میں زخمی ہونے والے بعض افراد کی حالت تشویشناک ہے۔
واقعے کے فوراً بعد ریسکیو 1122 کی ٹیمیں اور مقامی افراد امدادی سرگرمیوں میں مصروف ہو گئے اور زخمیوں کو قریبی ہسپتالوں میں منتقل کیا گیا ہے۔
وفاقی وزیر داخلہ محسن نقوی نے وانا دھاکے کی مذمت کرتے ہوئے کہا ہے کہ معصوم لوگوں کی جانوں سے کھیلنے والے عناصر کسی رعایت کے مستحق نہیں۔
