دنیا کے امیر ترین اداکاروں میں شاہ رخ خان کا نمبر کونسا؟

سال رواں کی ایسکوائرس رِچ لسٹ میں بالی ووڈ اداکار شاہ رخ خان دنیا کے چوتھے امیر ترین اداکار قرار دے دیے گئے۔

یہ بھی پڑھیں: شاہ رخ خان کی تصویر والی شرٹ پہننے پر ماہرہ خان کو تنقید کا سامنا

بھارتی میڈیا کے مطابق اس فہرست میں ٹاپ 10 میں ایک ہی بھارتی اداکار ہیں جبکہ دیگر کا تعلق امریکا اور برطانیہ سے ہے۔

مذکورہ فہرست میں شامل اداکار صرف اپنے فلمی معاوضوں پر انحصار نہیں کرتے بلکہ وہ مختلف کاروبار کے مالک بھی ہیں۔

شاہ رخ خان نے اس حوالے سے 6 معروف ترین اداکاروں کو پیچھے چھوڑا ہے۔ جانیے فہرست کے اعتبار سے کس اداکار کا کون سا نمبر ہے اور ان کے اثاثوں کی کل مالیت کیا ہے۔

ٹاپ 10 اداکار کون؟

جیکی چین اس فہرست میں 10 ویں نمبر پر ہیں جن کے اثاثوں کی مجموعی مالیت 557 اعشاریہ 09 ملین ڈالر ہے۔

مزید پڑھیے: شاہ رخ خان پہلے ہندوستانی اداکار، جن کے نام سے سونے کا سکہ جاری

ٹام ہینکس 571 اعشاریہ 94 ڈالر کے ساتھ 9ویں، جیک نکلسن 590 ملین ڈالر کے ساتھ 8ویں، بریڈ پٹ 594 اعشاریہ 23 ملین ڈالر کے ساتھ 7ویں، رابرٹ ڈی نیرو 735 اعشاریہ 35 ملین ڈالر کے ساتھ چھٹے، جارج کلونی 742 اعشاریہ 8 ملین ڈالر کے ساتھ پانچویں نمبر ہیں۔

شاہ رخ خان کا اس فہرست میں نمبر چوتھا ہے اور ان کے کل اثاثوں کی مالیت 876 اعشاریہ 5 ملین ڈالر ہے۔

تیسرے نمبر پر ںام کروز اور دوسرے نمبر پر ڈووین جانز ہیں جن کے اثاثوں کی مالیت بالترتیب 891 ملین ڈالر اور ایک ارب 19 کروڑ ڈالر ہے۔

مزید پڑھیں: شاہ رخ خان شادی کی پہلی رات پھوٹ پھوٹ کر کیوں روئے تھے؟

امیر ترین اداکاروں کی فہرست میں پہلا نمبر آرنلڈ شوارزنیگر ہیں جن کے اثاثوں کی کل مالیت ایک ارب 49 کروڑ ڈالر ہے۔