وزیر اعلیٰ بلوچستان میر سرفراز بگٹی نے بھارتی میزائل حملوں کی شدید الفاظ میں مذمت کرتے ہوئے کہا ہے کہ بھارت کی جانب سے میزائل حملے کھلی جارحیت اور علاقائی امن کو سبوتاژ کرنے کی سازش ہیں۔
اپنے ایک بیان میں وزیر اعلیٰ بلوچستان میر سرفراز بگٹی کا کہنا تھا کہ بلوچستان کے عوام دشمن کو منہ توڑ جواب دینے کے لیے اپنی پاک فوج کے ساتھ ہیں، عالمی برادری بھارت کی جارحیت کا نوٹس لے۔
یہ بھی پڑھیں: پہلگام فالس فلیگ میں ناکامی کے بعد بھارت کا بلوچستان میں بڑی دہشتگردی کا منصوبہ بے نقاب
وزیر اعلیٰ بلوچستان کا کہنا تھا کہ بھارت کا جنگی جنون جنوبی ایشیا کو تباہی کی طرف دھکیل رہا ہے، ہم امن کے داعی ضرور ہیں، مگر کمزور نہیں۔
’افواج پاکستان ہر قسم کی جارحیت کا بھرپور جواب دینے کی صلاحیت رکھتی ہیں اور الحمدللہ دے رہی ہیں۔‘
