بنگلہ دیش نے پاکستان اور بھارت میں بڑھتی ہوئی کشیدگی کے درمیان تحمل سے کام لینے کا درخواست کی ہے۔
یہ بھی پڑھیں: پاک بھارت کشیدگی: 5 طیارے تباہ ہونے سے بھارت کو کتنا نقصان پہنچا؟
پاکستان اور بھارت کے درمیان بڑھتی ہوئی کشیدگی کے پیش نظر بنگلہ دیش نے گہری تشویش کا اظہار کرتے ہوئے دونوں ممالک سے تحمل کا مظاہرہ کرنے اور حالات کو مزید خراب کرنے والے کسی بھی اقدام سے گریز کرنے کی اپیل کی ہے۔
بدھ کو ایک مختصر بیان میں وزارت خارجہ نے کہا کہ بنگلہ دیش پیش رفت پر گہری نظر رکھے ہوئے ہے اور پرسکون رہنے اور تحمل برتنے کی اہمیت پر زور دیتا ہے۔
مزید پڑھیے: لائن آف کنٹرول پر پاک فوج کی کارروائی، بھارتی فوج کی متعدد چیک پوسٹیں تباہ
علاقائی امن اور استحکام کے لیے اپنے عزم کا اعادہ کرتے ہوئے بنگلہ دیش کی وزارت خارجہ نے امید ظاہر کی کہ خطے کے عوام کی بہتری کے لیے اس بحران کو سفارتی ذرائع سے حل کیا جائے گا۔
