ریلوے لائن ملیر میں پولیس نے کارروائی کرتے ہوئے 3 سگے بھائیوں پر مشتمل اسٹریٹ کرائمز میں ملوث گروہ پکڑا گیا۔
یہ بھی پڑھیں: کیا کوئٹہ اسٹریٹ کرائم فری شہر ہے؟
ترجمان ایس ایس پی ملیر کے مطابق پولیس نے خفیہ اطلاع پر پاکستان ٹینٹری، ریلوے لائن کے قریب کارروائی کرتے ہوئے اسٹریٹ کرائم میں ملوث کے تینوں بھائیوں کو گرفتار کیا گیا ہے۔
گرفتار ملزمان کی شناخت ایاز، ثنااللہ اور احمد فراز کے ناموں سے ہوئی۔ تینوں ملزمان سگے بھائی اور علاقے میں مختلف اسٹریٹ کرائمز کی وارداتوں میں ملوث ہیں۔
مزید پڑھیے: کراچی کی سڑکوں پر ڈکیتیاں اور لوٹ مار کرنے والا خطرناک گینگ پکڑا گیا
ترجمان کے مطابق گرفتار ملزمان کے قبضے سے 3 پستول، بمعہ راؤنڈز 5 موبائل فونز، 2 موٹرسائیکلیں برآمد ہوئیں۔ ملزمان کے قبضے سے برآمد ہونے والی موٹرسائیکلز کا ریکارڈ اے وی ایل سی سے چیک کروایا جارہا ہے۔
ملزمان کے خلاف مقدمات درج کرکے مزید تفتیش کا آغاز کردیا گیا ہے۔ ان کے دیگر ساتھیوں کی گرفتاری کے لیے چھاپے مارے جا رہے ہیں۔
