جمعے کی صبح وزارتِ اقتصادی امور کا سرکاری ایکس اکاؤنٹ ہیک ہونے کی خبر موصول ہوئی جس کے بعد وزیر آئی ٹی اینڈ ٹیلی کام شزا فاطمہ خواجہ نے اسے اپنے آفیشل اکاؤنٹ سے رپورٹ کیا ہے تاہم اس کے کچھ ہی دیر بعد کراچی پورٹ ٹرسٹ کا ایکس اکاؤنٹ بھی ہیک ہوگیا جس کی تصدیق بھی بعد میں ہوگئی۔
ترجمان وزارتِ اقتصادی امور کے مطابق سماجی رابطے کے پلیٹ فارم ایکس پر اکاؤنٹ رات گئے ہیک ہوا، مذکورہ اکاؤنٹ پر کی جانے والی کسی پوسٹ کا وزارت سے کوئی تعلق نہیں۔
🚨🚨🚨
وزارت اقتصادی امور کا اکاؤنٹ ہیک کر لیا گیا ہے۔ درج ذیل پوسٹ کو رپورٹ کریں:The Ministry of Economic Affairs account has been hacked.
Please unfollow and report the following: pic.twitter.com/jYZxsH7myM— Shaza Fatima Khawaja (@ShazaFK) May 9, 2025
واضح رہے کہ نیشنل سائبر ایمرجنسی ریسپانس ٹیم الرٹ بھارتی سائبر حملوں کے خطرے کے پیش نظر ایڈوائزری جاری کردی۔
یہ بھی پڑھیں: پاکستانی واٹس ایپ اکاؤنٹس کی ہیکنگ بڑھ گئی، بچا کس طرح جائے؟
نیشنل سائبر ایمرجنسی ریسپانس ٹیم الرٹ کی جانب سے جاری کردہ اعلامیے کے مطابق صارفین مشکوک لنکس پر کلک کرنے سے گریز کریں، غیر تصدیق شدہ پیغامات، ای میلز یا سوشل میڈیا لنکس نہ کلک کریں تاکہ ہیکرز سے محفوظ رہ سکیں۔
بیان میں کہا گیا ہے کہ سوشل میڈیا پر پاکستان پر سائبر حملوں سے متعلق غیر مصدقہ معلومات یا افواہیں شیئر نہ کریں، صرف معتبر ذرائع پر اعتماد کریں، سرکاری یا معتبر چینلز سے اپ ڈیٹس حاصل کریں۔
The account was hacked !
Karachi Port is safe and secure !— Karachi Port Trust Official (@official_kpt) May 9, 2025
دوسری طرف کراچی پورٹ ٹرسٹ کے اکاؤنٹ سے بتایا گیا کہ اکاؤنٹ ہیک ہوگیا تھا تاہم بھارتی میڈیا کی جانب سے کیا جانے والا پروپیگنڈہ بے بنیاد ہے اور کراچی پورٹ ٹرسٹ مکمل طور پر محفوظ ہے
