برطانیہ اور یورپی یونین نے پیر کے روز ایک تاریخی معاہدے پر اتفاق کیا، جس میں دفاع اور تجارت کے شعبوں میں قریبی تعلقات قائم کرنے کا عزم کیا گیا ہے.
یہ معاہدہ برطانیہ کی یورپی یونین سے علیحدگی کے 5 سال بعد ہوا ہے۔ بریگزیٹ کے بعد اس معاہدے کو برطانیہ اور یورپی یونین کے درمیان نئے سرے سے تعلقات استوار کرنے کے ایک نئے دور کا آغاز سمجھا رہا ہے۔
یہ بھی پڑھیے: دوطرفہ تجارت میں مزید 34 ارب ڈالر کا اضافہ، بھارت اور برطانیہ کے درمیان آزاد تجارتی معاہدہ طے
برطانیہ کے وزیراعظم کیئر اسٹامر نے معاہدے کے بعد کہا کہ یہ ہمارے تعلقات میں ایک نئے دور کی علامت ہے۔ ہم ایک ایسی شراکت داری کر رہے ہیں جو آج کے وقت کے لیے موزوں ہے۔
دفاع کے حوالے سے یہ معاہدہ باقاعدہ سیکیورٹی تعاون، برطانیہ کی یورپی اتحاد کے فوجی مشنز میں شمولیت اور برطانیہ کے لیے یورپی یونین کے ایک 150 ارب یورو (تقریباً 167 ارب ڈالر) کے دفاعی فنڈ سے استفادہ کرنے کا امکان پیدا کرے گا۔
یہ بھی پڑھیے: امریکا کی ٹریڈ وار نے برطانیہ اور چین کو قریب کردیا؟
دونوں طرفین نے یہ بھی طے کیا کہ برطانیہ پر عائد برآمدات کے کنٹرول ختم کیے جائیں گے، جس کے بدلے میں برطانیہ نے یورپی یونین کے پانیوں میں ماہی گیری کے حقوق مزید 12 سال کے لیے بڑھانے کا وعدہ کیا ہے۔
