پاکستان کے اولمپک چیمپیئن ارشد ندیم نے ایشین اتھلیٹکس چیمپیئن شپ میں بھی گولڈ میڈل جیت کر بین الاقوامی ایونٹ اپنے نام کیا۔
ارشد ندیم نے فائنل کے 5 ویں راؤنڈ میں 86.40 میٹرز کی جیولین تھرو کرکے فائنل اپنے نام کیا۔
قومی ہیرو ارشد ندیم نے ایشین چیمپئن شپ میں گولڈ میڈل اپنے نام کر لیا۔ pic.twitter.com/8K3d6fDzgS
— WE News (@WENewsPk) May 31, 2025
جنوبی کوریا میں ایشین اتھلیٹکس چیمپیئن شب کے فائنل میچ میں جیولین تھرو میں پاکستان کی طرف سے ارشد ندیم اور یاسر سلطان نے حصہ لیا جبکہ کل 12 کھلاڑی شامل تھے۔
پہلا راؤنڈ
پہلا راؤنڈ مکمل ہونے تک ارشد ندیم کا 12 کھلاڑیوں میں چھٹا جبکہ یاسر سلطان کا نواں نمبر تھا۔ اس راؤنڈ میں ارشد ندیم ندیم نے 75.39 جبکہ
یاسر سلطان نے 70.53 میٹر کی تھرو کی۔ پہلے راؤنڈ میں انڈیا کے یش ویر سنگھ کی تھرو ضائع ہوگئی۔
دوسرا راؤنڈ
دوسرے راؤنڈ کے آغاز میں یاسر سلطان نے کارکردگی مین بہتری لاتے ہوئے 75.39 میٹر جبکہ ارشد ندیم نے 76.80 میٹر کی تھرو کی۔ ایران کے علی فتح کے ساتھ ساتھ انڈیا کے یش ویر سنگھ کی تھرو اس راؤنڈ میں بھی ضائع ہوگئی۔
He has done it yet again! Arshad Nadeem wins Gold Medal 🥇 at 26th Asian Athletics Championship. What an athlete, what a star, what an asset for Pakistan. Arshad Nadeem, you beast! 🇵🇰 pic.twitter.com/JoPhJSItPr
— PSL Memes (@PSLMemesWalay) May 31, 2025
تیسرا راؤنڈ
ارشد ندیم نے تیسرے راؤنڈ میں 85.57 میٹرز کی تھرو کرکے تینوں راؤنڈز میں پہلے نمبر پر آگئے۔
چوتھا راؤنڈ
چوتھے راؤنڈ میں ارشد ندیم نے 83.99 میٹرز کی تھرو پھینکی۔
پانچواں راؤنڈ
پانچواں راؤنڈ میں ارشد ندیم نے فائنل کی سب سے لمبی تھرو 86.40 میٹرز کی پھینکی اور ٹائٹل اپنے نام کیا۔
اس میچ میں انڈیا کے سچن یادو نے دوسری لمبی تھرو 85 میٹرز کی پھینکی۔
واضح رہے کہ اس سے قبل کوالیفائنگ راؤنڈ میں ارشد ندیم نے 86.34 نے جبکہ یاسر سلطان نے 76.07 میٹرز کی تھرو کرکے فائنل راؤنڈ کے لیے کوالیفائی کیا تھا۔
اس ایونٹ کے موقع پر میاں چنوں میں اہل علاقہ بڑی تعداد میں ارشد ندیم کے گھر جمع ہوئے اور دعاؤں کے ساتھ ٹی وی پر براہ راست ارشد ندیم کی طرف سے بہترین کارکردگی کا مظاہرہ دیکھا۔ ایشین اتھلیٹکس چیمپیئن شب کا ٹائٹل اپنے نام کرنے پر اہل علاقہ نے ڈھول کی تھاپ پر رقص کرکے جشن منایا۔
