جنوبی افریقہ کے معروف کرکٹر اینرخ کلاسن نے انٹرنیشنل کرکٹ سے ریٹائرمنٹ کا اعلان کردیا۔
اینرخ کلاسن نے سوشل میڈیا پر ایک پوسٹ کرتے ہوئے انٹرنیشنل کرکٹ سے ریٹائرمنٹ لینے کا اعلان کیا۔
یہ بھی پڑھیں قومی کرکٹر عماد وسیم کا ریٹائرمنٹ واپس لینے کا اعلان
وکٹ کیپر بیٹر اینرخ کلاسن نے لکھا کہ آج انٹرنیشنل کرکٹ سے راہیں جدا کرلی ہیں، اور یہ میرے لیے بڑا افسوسناک دن ہے۔
انہوں نے کہاکہ انٹرنیشنل کرکٹ سے ریٹائرمنٹ لینا میرے لیے ایک مشکل فیصلہ تھا، اور مجھے اس سے متعلق فیصلہ کرنے میں کافی وقت لگا کہ میرے مستقبل اور فیملی کے لیے بہتر کیا ہے۔
اینرخ کلاسن نے لکھا کہ بحیثیت کرکٹر جنوبی افریقہ کی نمائندگی کرنا میرے لیے اعزاز کی بات رہی ہے۔ میرے سینے پر جنوبی افریقہ کا جو بیج لگا ہے کہ یہ میرے لیے، اور میرے کریئر کے دوران کا سب سے بڑا اعزاز رہے گا۔
انہوں نے مزید کہاکہ میں اپنے تمام چاہنے والوں اور ٹیم کے ارکان کا سپورٹ کرنے پر شکریہ ادا کرتا ہوں، اب مجھے موقع ملے گا کہ میں اپنی فیملی کے ساتھ وقت گزار سکوں۔
یہ بھی پڑھیں سری لنکا کے سابق کپتان انجلو میتھیوز کا ٹیسٹ کرکٹ سے ریٹائرمنٹ کا اعلان
یاد رہے کہ جنوبی افریقہ کے وکٹ کیپر بیٹر اینرخ کلاسن نے 6 ٹیسٹ، 60 ایک روزہ اور 58 ٹی20 میچوں کی جنوبی افریقہ کی نمائندگی کی۔
