سفارتی محاذ پر بڑی کامیابی کی صورت میں اقوام متحدہ میں سلامتی کونسل کی 15 رکنی انسداد دہشتگردی کمیٹی کی نائب صدارت پاکستان کو مل گئی، جس کے بعد بھارت کا پاکستان کے خلاف بیانیہ دفن ہوگیا۔
یہ بھی پڑھیں پہلگام فالس فلیگ آپریشن: پاکستانی میڈیا کا بھارتی پروپیگنڈے کا منہ توڑ جواب، جھوٹا بیانیہ دفن
اقوام متحدہ میں سلامتی کونسل کی یہ کمیٹی عالمی سطح پر دہشتگردی کے خلاف اقدامات کی نگرانی کرتی ہے۔ جبکہ طالبان پر پابندیوں سے متعلق کمیٹی کی صدارت بھی پاکستان کرےگا۔
طالبان کے اثاثے منجمند کرنے، سفری پابندیوں اور ہتھیاروں کی روک تھام سے متعلق فیصلے بھی یہی کمیٹی کرےگی۔
واضح رہے کہ پاکستان اور بھارت کے درمیان حالیہ جنگ کے دوران اور اس کے بعد پاکستان کو ہر محاذ پر کامیابی مل رہی ہے۔ پاکستان نے سفارتی محاذ پر بھارت کو شکست فاش دی ہے۔
اس وقت پاکستان کا سفارتی وفد دنیا کے مختلف ممالک کے دورے پر ہے۔ چیئرمین پی پی پی بلاول بھٹو زرداری کی سربراہی میں وفد اس وقت امریکا میں موجود ہے۔
اس سے قبل سفارتی وفد نے اقوام متحدہ میں مختلف ممالک کے نمائندوں سے ملاقات کرکے بھارت کے پاکستان کے خلاف بیانیے کو مسترد کیا، اور اپنا مؤقف سامنے رکھا۔
یہ بھی پڑھیں بھارت کا محاذ آرائی کے لیے نیا جھوٹا بیانیہ اور من گھڑت پروپیگنڈا بے نقاب
سفارتی تجزیہ کاروں کا کہنا ہے کہ اقوام متحدہ سلامتی کونسل کی انسداد دہشتگردی کمیٹی کی نائب صدارت ملنے سے بھارت کی جانب سے پاکستان کو دہشتگردوں کا سہولت کار قرار دینے کا بیانیہ دفن ہو گیا اور پاکستانی مؤقف کو پذیرائی ملی ہے۔
