نئے مالی سال کے بجٹ میں خواتین کے میک اپ اور بیوٹی پروڈکٹس پر درآمدی ڈیوٹی میں نمایاں کمی کا اعلان کیا گیا ہے جس کے بعد میک اپ کا سامان سستا ہونے کا امکان ہے۔
یہ بھی پڑھیں: خواتین کے لیے خوشخبری، کاسمیٹکس کی قیمت میں کتنی کمی کا امکان؟
بجٹ اطلاق کے بعد ہیئر اسٹائلنگ پروڈکٹس، لپ اسٹک، سرخی، پاؤڈر، مسکارا، فیس واش، فیشل کریم، فیش شائنر، آئی لائنر، لوشن، کریمز، پرفیوم، باڈی اسپرے اور دیگر بیوٹی آئٹمز کی قیمتوں میں واضح کمی ہوئی ہے ۔
خواتین صارفین کے لیے یہ اقدام خوش آئند قرار دیا جا رہا ہے کیونکہ مہنگائی کے موجودہ دور میں میک اپ جیسی ضروریات زندگی کی اشیا کی قیمتیں عام افراد کی پہنچ سے باہر ہوتی جا رہی تھیں۔
اس کے علاوہ پرس، سن گلاسز، بیلٹ، سفری بیگ، ہینڈ بیگ، گارمنٹس اور شوز بھی سستے ہوں گے۔
مزید پڑھیے: میک اپ کے لیے گھونگھے پال کر لاکھوں کمانے والی خاتون
حکومت کا کہنا ہے کہ اس فیصلے کا مقصد صارفین کو ریلیف فراہم کرنا اور ملک میں بیوٹی انڈسٹری کو ترقی دینا ہے جو اب عالمی معیار کی مصنوعات سستے داموں حاصل کر سکیں گے۔
واضح رہے کہ پاکستان کے گزشتہ مالی سال 2024-25 کے بجٹ میں کاسمیٹکس پر ڈیوٹی میں اضافہ کیا گیا تھا۔
خصوصی طور پر، 657 میک اپ اور بیوٹی آئٹمز پر ڈیوٹی میں 40 فیصد کا اضافہ کیا گیا جبکہ پرفیومز اور سپرے پر 20 فیصد کا اضافہ ہوا تھا۔
مزید پڑھیں: کوئٹہ ایئرپورٹ: زیورات سمیت قیمتی اشیا خاتون شہری کو واپس مل گئیں
کاسمیٹکس پر 55 فیصد ریگولیٹری ڈیوٹی جبکہ درآمد شدہ شیونگ کریم اور صابن پر 50 فیصد ریگولیٹری ڈیوٹی عائد کی گئی تھی۔
