اسلامی جمہوریہ ایران کی موجودہ صورتِ حال کے پیش نظر سعودی عرب نے مملکت میں موجود ایرانی حجاج کے لیے اہم اقدام اٹھا لیا۔ شاہ سلمان بن عبدالعزیز نے کہا کہ ایران میں حالات معمول ہونے تک ایرانی زائرین ہمارے مہمان ہیں انہیں ہر ممکن سہولیات فراہم کی جائیں۔
سعودی ولی عہد اور وزیرِ اعظم شہزادہ محمد بن سلمان بن عبدالعزیز آل سعود کی پیشکش پر خادمِ حرمین شریفین شاہ سلمان بن عبدالعزیز آل سعود نے وزارتِ حج و عمرہ کو ہدایت دی ہے کہ ایرانی حجاج کی تمام ضروریات کو پورا کیا جائے اور انہیں ہر ممکن سہولیات فراہم کی جائیں، تاکہ وہ مناسکِ حج کی ادائیگی کے بعد اپنے وطن اور اہلِ خانہ کے پاس سلامتی کے ساتھ واپس جا سکیں۔
یہ بھی پڑھیے: تہران پر اسرائیلی حملوں میں 78 افرادشہید، 329 زخمی ہوئے، ایرانی میڈیا
سعودی قیادت نے اس فیصلے کے ذریعے اسلامی بھائی چارے اور انسانی ہمدردی کا مظاہرہ کرتے ہوئے واضح کیا ہے کہ حجاج کرام کی خدمت سعودی عرب کی اولین ترجیح ہے، چاہے حالات کچھ بھی ہوں۔
