جاپانی حکومت کے جمعہ کے روز جاری کردہ اعداد و شمار کے مطابق مئی میں ملازمتوں کی دستیابی کا تناسب گزشتہ ماہ کے مقابلے میں 0.02 پوائنٹ کم ہو کر 1.24 رہ گیا، جو تین ماہ میں پہلی بار کمی ہے۔
یہ بھی پڑھیں:جاپان میں 9 افراد کو قتل کرنے والے ’ٹوئٹر کلر‘ کو پھانسی دیدی گئی
چینی خبر رساں ادارے شہنوا نیوز کے مطابق محکمہ صحت، محنت و بہبود کے مطابق ملک بھر میں یہ تازہ ترین ملازمت سے امیدوار کا تناسب ظاہر کرتا ہے کہ ہر 100 نوکری کے متلاشی افراد کے لیے 124 ملازمت کے مواقع دستیاب تھے۔
ماہرین کا کہنا ہے کہ مسلسل مہنگائی کے باعث زیادہ کارکن بہتر حالات کی تلاش میں ہیں۔
زیادہ تر بڑے شعبوں میں نئی نوکریوں کے مواقع کم ہوئے ہیں، جہاں ہوٹل اور ریستوراں کے شعبے میں گزشتہ سال کے مقابلے میں 19.3 فیصد کمی دیکھنے میں آئی جبکہ تھوک اور خوردہ فروشی کے شعبے میں 11.1 فیصد گراوٹ ریکارڈ کی گئی۔
یہ بھی پڑھیں:جاپان میں تعلیم کے بعد ملازمت کے مواقع، جاپان کی نئی ویزا اصلاحات کیا ہیں؟
ٹرانسپورٹیشن اور ڈاک خدمات واحد شعبہ تھا جہاں معمولی اضافہ (0.1 فیصد) دیکھا گیا، جو ٹرک اور دیگر ڈرائیوروں کی مسلسل قلت کی عکاسی کرتا ہے۔
اس دوران داخلہ امور اور مواصلات کے وزارت کے علیحدہ اعداد و شمار سے ظاہر ہوا کہ مئی میں ملک کی بے روزگاری کی شرح مسلسل تیسرے ماہ 2.5 فیصد پر برقرار رہی۔
