نائب وزیراعظم و وزیرخارجہ اسحاق ڈار نے چین میں روس اور ایران کے وزرائے خارجہ سے الگ الگ ملاقات کی ہے، ملاقات میں دوطرفہ تعاون بڑھانے پر اتفاق کیا گیا۔
ترجمان دفتر خارجہ کے مطابق نائب وزیراعظم و وزیر خارجہ محمد اسحاق ڈار نے آج شنگھائی تعاون تنظیم(ایس سی او) کے وزرائے خارجہ اجلاس کے موقع پر روس کے وزیر خارجہ سرگئی لاوروف سے ملاقات کی۔
Deputy Prime Minister / Foreign Minister, Senator Mohammad Ishaq Dar @MIshaqDar50, today met Foreign Minister of Russia, Sergei Lavrov on the sidelines of the SCO CFM in Tianjin, China.
Both sides expressed satisfaction over the positive trajectory of bilateral ties and agreed… pic.twitter.com/2FcTFttOG3
— Ministry of Foreign Affairs – Pakistan (@ForeignOfficePk) July 15, 2025
ملاقات میں دونوں رہنماؤں نے پاک روس تعلقات کی مثبت پیشرفت پر اطمینان کا اظہار کیا اور باہمی تعاون تجارت، توانائی، زراعت اور دفاع جیسے شعبوں میں مزید فروغ دینے پر اتفاق کیا۔
وزیر خارجہ اسحاق ڈار نے روسی ہم منصب کو دورہ پاکستان کی دعوت بھی دی۔
بعد ازاں اسحاق ڈار نے ایرانی وزیر خارجہ سید عباس عراقچی سے ملاقات کی، ملاقات میں دوطرفہ تعاون کے مختلف شعبوں کا جائزہ لیا گیا، جب کہ حالیہ اسرائیلی جارحیت کے بعد پیدا ہونے والی علاقائی صورتحال پر تفصیلی تبادلہ خیال ہوا۔
اسحاق ڈار نے ایرانی عوام اور حکومت سے پاکستان کی غیر متزلزل یکجہتی کا اعادہ کیا اور علاقائی امن و استحکام کے لیے پاکستان کے عزم کو دوہرایا۔ انہوں نے زور دیا کہ کشیدگی کے خاتمے اور دیرپا امن کے لیے بات چیت اور سفارتکاری ہی واحد مؤثر راستہ ہے۔
Deputy Prime Minister / Foreign Minister, Senator Mohammad Ishaq Dar @MIshaqDar50 today met with the Foreign Minister of Iran, Seyyed Abbas Araghchi @araghchi, on the sidelines of the SCO CFM in Tianjin, China.
Both leaders reviewed bilateral cooperation across diverse areas and… pic.twitter.com/WNNOdfcZvU
— Ministry of Foreign Affairs – Pakistan (@ForeignOfficePk) July 15, 2025
یاد رہے کہ وزیراس سے قبل اسحاق ڈار نے شنگھائی تعاون تنظیم (SCO) کے وزرائے خارجہ کے مشترکہ وفد کے ساتھ چین کے صدر شی جن پنگ سے ملاقات کی، جس میں انہوں نے پاکستان کی نمائندگی کی۔
ملاقات بیجنگ کے عظیم عوامی ہال میں ہوئی، جہاں چینی صدر نے تمام وفود کا خیرمقدم کرتے ہوئے ایس سی او کے فریم ورک میں علاقائی تعاون کی اہمیت پر زور دیا۔
Delighted to meet earlier today with President Xi Jinping at the Great Hall of the People in Beijing. Conveyed the warm greetings of the leadership, government and people of Pakistan. As iron-clad brothers and All-Weather Strategic Cooperative Partners, we remain committed to… pic.twitter.com/CKU6vnmHpJ
— Ishaq Dar (@MIshaqDar50) July 15, 2025
صدر شی جن پنگ کا کہنا تھا کہ شنگھائی تعاون تنظیم نہ صرف یوریشیائی خطے پر محیط ہے بلکہ دنیا کی ایک بڑی آبادی کی نمائندگی بھی کرتی ہے۔ انہوں نے کہا کہ ایس سی او کے تحت باہمی تعاون، ترقی اور خطے کے استحکام کو فروغ دیا جا سکتا ہے۔
اسی موقع پر اسحاق ڈار نے کرغزستان کے وزیرِ خارجہ سے بھی ملاقات کی، جس میں دونوں رہنماؤں نے دوطرفہ تعلقات کو مزید وسعت دینے اور باہمی دلچسپی کے تمام شعبوں میں تعاون بڑھانے پر اتفاق کیا۔
