کانگریس کے رکنِ پارلیمنٹ گرجیت سنگھ اوجلا نے وزیرِاعظم نریندر مودی کو چیلنج دیا ہے کہ وہ تمام 35 رافیل طیاروں کی عوامی نمائش کریں اور دنیا کو دکھائیں کہ آپریشن سندور کے دوران ایک بھی طیارہ تباہ نہیں ہوا۔
“PM Modi must parade all 35 Rafale jets, show world that not a single jet was shot down during Operation Sindoor.”
– Congress MP Gurjeet Singh Aujla pic.twitter.com/iS9uSzDuDL
— News Arena India (@NewsArenaIndia) July 28, 2025
گرجیت سنگھ اوجلا کا کہنا تھا کہ بھارتی عوام اور عالمی برادری کو یقین دلانے کے لیے ضروری ہے کہ حکومت یہ ثابت کرے کہ رافیل بیڑے کو کسی نقصان کا سامنا نہیں کرنا پڑا۔ انہوں نے کہا کہ اگر حکومت کو اپنے دعوؤں پر اعتماد ہے تو اسے چاہیے کہ وہ تمام طیاروں کو پریڈ میں پیش کرے تاکہ شکوک و شبہات کا ازالہ ہو۔
مزید پڑھیں: پاک بھارت کشیدگی کے دوران 5 طیارے گرائے گئے، صدر ٹرمپ نے بھی تصدیق کر دی
انہوں نے یاد دلایا کہ حالیہ دنوں امریکی صدر ڈونلڈ ٹرمپ نے بھی یہ بیان دیا تھا کہ آپریشن سندور کے دوران پاکستان نے 5 فرانسیسی ساختہ رافیل طیارے مار گرائے۔ اوجلا کے مطابق، یہ بیان بھارتی دعوؤں پر سوالیہ نشان ہے اور حکومت پر لازم ہے کہ وہ حقیقت سامنے لائے۔
مودی سرکار کے جھوٹ بے نقاب، رافیل گرنے کی تصدیق لوک سبھا کے رکن نے کردی
بھارتی وزیر اعظم نریندر مودی کی حکومت کو اُس وقت شدید خفت کا سامنا کرنا پڑا جب لوک سبھا کے رکن امریندر سنگھ راجا نے اعتراف کیا کہ پاک بھارت کشیدگی کے دوران رافیل لڑاکا طیارہ واقعاً تباہ ہوا تھا۔
امریندر سنگھ راجا نے انکشاف کیا کہ پنجاب کے علاقے بسیانہ ائیر فورس اسٹیشن کے قریب ایک لڑاکا طیارے کا پچھلا حصہ (ٹیل) گرا تھا، جس پر BS-001 کا نشان واضح تھا۔ انہوں نے دعویٰ کیا کہ یہ ٹیل رافیل طیارے کا تھا، اور اس واقعے میں ایک شخص جاں بحق جبکہ 9 افراد زخمی ہوئے تھے۔
انہوں نے مزید بتایا کہ بھارتی ایئر مارشل نے بھی طیارے کے گرنے کی ابتدائی تصدیق کی تھی، مگر بعد میں اسے غیر شناخت شدہ طیارہ قرار دے کر اصل حقیقت چھپائی گئی۔ درحقیقت بھارتی ایئر مارشل نے عوام سے حقائق چھپائے اور حادثے کی اصل نوعیت کو چھپانے کی کوشش کی۔
