پاکستان تحریک انصاف کے چیئرمین عمران خان کی گرفتاری کے بعد پی ٹی آئی کی جانب سے کیے گئے احتجاج کے دوران پرتشدد واقعات میں اضافہ ہو رہا ہے۔
اگرچہ ملک کے مختلف حصوں میں انٹرنیٹ کو جزوی طور پر بند رکھا گیا ہے تاہم وی پی این اور دیگر ذرائع استعمال کر کے مختلف افراد سوشل پلیٹ فارمز استعمال کر رہے ہیں۔
سوشل میڈیا پر شیئر کی جانے والی اپ ڈیٹس میں جہاں عمران خان کے خلاف جاری مقدمات کی پیش رفت شیئر کی جا رہی ہیں وہیں احتجاج، گرفتاریوں اور توڑپھوڑ کے مناظر بھی نمایاں ہیں۔
سرگودھا میں نشان حیدر پانے والوں کی تصاویر سے مزین یادگار پر توڑپھوڑ، جنگی طیارے کے ماڈل کو آگ لگانے اور عسکری وسرکاری عمارتوں کے خلاف مظاہرین کی کارروائیوں نے ٹائم لائنز پر نمایاں جگہ حاصل کی۔
A ride through Peshawar city early this morning shows that at least three checkpoints at major arteries have been removed by protestors with massive damages to the one at Aman Chowk. Walls that connect cantonment to the city have also been broken. pic.twitter.com/B1ag52xUw9
— Iftikhar Firdous (@IftikharFirdous) May 10, 2023
اسی دوران پشاور سے یہ اطلاعات سامنے آئیں کہ پی ٹی آئی کے کارکنوں نے تاریخی اہمیت کے حامل ریڈیو پاکستان پشاور کی عمارت میں توڑ پھوڑ کی اور کئی مقامات پر آگ لگا دی ہے۔
آسمان کی جانب بلند ہوتی آگ کے شعلوں اور جلتی املاک کی تصویروں کے دوران مظاہرین کے حملے کے وقت ریڈیو پاکستان کی عمارت کے اندر موجود کچھ افراد نے ٹویٹس کے ذریعے صورتحال بیان کی۔
پاکستانی صحافی لحاظ علی نے لکھا کہ ’ریڈیو پاکستان میں توڑ پھوڑ ہو رہی تھی تو کوریج کے دوران میں نے ویڈیو بنانی شروع کی۔ اس دوران ایک لڑکے کے ہاتھ میں درمیانے درجے کی چھری تھی اس نے کہا ویڈیو ڈیلیٹ کر دو ورنہ ابھی تیری سرجری کرتا ہوں۔
ریڈیو پاکستان پشاور میں جب تو پھوڑ ہو رہی تھی تو کوریج کے دوران میں نے ویڈیو بنانی شروع کی۔۔
اس دوران ایک لڑکے کے ہاتھ میں درمیانے درجے کی چھری تھی اور کہا ویڈو ڈیلیٹ کردو ورنہ ابھی تیری سرجری کرتا ہوں
اسکے سامنے ویڈیو ڈیلیٹ کی اس دوران وہاں موجود دیگر لوگوں بچا کر نکالا— Lehaz Ali (@TheLehaz) May 10, 2023
پی ٹی آئی سے تعلق رکھنے والے افراد نے پشاور میں فائرنگ کا بتا کر ایک ویڈیو شیئر کرتے ہوئے دعوی کیا کہ پولیس مظاہرین پر براہ راست فائرنگ کر رہی ہے۔
کیا یہ ہوائی فائرنگ ہورہی ہے؟
سی سی پی او پشاور آپ کو جواب دینا پڑے گا۔#عمران_خان_کو_رہا_کرو #BehindYouSkippe pic.twitter.com/VLFRdYic6D— Khalid Khan Supari (@SupariKhan) May 10, 2023
ریڈیو پاکستان پشاور کے ڈائریکٹر جنرل طاہر حسن کے مطابق ’شرپسندوں نے باہر نصف چاغی کے ماڈل، ریڈیو آڈیٹوریم سمیت نیوز روم کو آگ لگائی اور توڑ پھوڑ کی۔‘
تحریک انصاف کی جانب سے بدھ کو یہ دعوی بھی کیا گیا کہ بدھ کو مظاہرین پر پولیس کی فائرنگ کی وجہ سے پارٹی کے چار کارکن ہلاک اور 27 زخمی ہوئے ہیں جنہیں لیڈی ریڈنگ ہسپتال منتقل کیا گیا ہے۔
اسی دوران چند صارفین نے پی ٹی آئی رہنما اور سابق صوبائی وزیر شوکت یوسفزئی کی تصاویر شیئر کرتے ہوئے دعوی کیا کہ انہوں نے مظاہرین کو تحمل سے کام لینے کا مشورہ دیا تو جواب میں احتجاج کرنے والوں نے ان کے کپڑے پھاڑ دیے۔
According to local reports, PTI's Shaukat Yusafzai & Shah Farman went to the protests in Peshawar and told the crowd to 'calm down'.
Let's just say it didn't end well for them.
He is claiming they were Govt's people in disguise.#Pakistan #نکلو_خان_کی_زندگی_بچاؤ pic.twitter.com/DC1WFrE2XY
— Asfandyar Bhittani (@AsfandBhittani) May 9, 2023
قاسم یوسفزئی نے ریڈیو پاکستان پشاور کی جلتی عمارت کی تصویر شیئر کرتے ہوئے لکھا کہ ’انقلاب کے لیے ریڈیو پاکستان پشاور جیسے تاریخی اثاثے کو جلانا بہت ضروری تھا۔‘
انقلاب کے لئے ریڈیو پاکستان پشاور جیسے تاریخی اثاثے کو جلانا بہت ضروری تھا 🥲 pic.twitter.com/PZ59w8kA5Y
— Qasim Yousafzai (@QasimYousafzai) May 10, 2023
پی ٹی آئی مظاہرین کے ہاتھوں جلانے اور توڑ پھوڑ کا نشانہ بننے والی ریڈیو پاکستان پشاور کی عمارت کو برصغیر میں ریڈیو کے قدیم ترین مراکز میں شمار کیا جاتا ہے جس کا آغاز
میں کیا گیا تھا۔
