’نواز شریف آپ کے بھائی ہیں؟‘، خواجہ آصف کا بچے کے ساتھ دلچسپ مکالمہ وائرل

وزیر دفاع اور مسلم لیگ (ن) کے سینئر رہنما خواجہ آصف کی ایک پرانی ویڈیو سوشل میڈیا پر وائرل ہو رہی ہے، جس میں وہ ایک کمسن بچے سے گفتگو کرتے دکھائی دے رہے ہیں۔

ویڈیو میں دیکھا جا سکتا ہے کہ ایک بچہ خواجہ آصف سے معصومانہ انداز میں پوچھتا ہے،’نواز شریف کب آئیں گے؟‘ جس پر خواجہ آصف نے جواب دیا کہ وہ اس وقت نہیں آ سکتے۔ جس پر بچے نے مزید دریافت کیا کہ’آپ نواز شریف کے بھائی ہیں؟‘ اس سوال پر خواجہ آصف نے مسکراتے ہوئے جواب دیا ’ہاں میں ان کا بھائی ہوں‘۔

یہ بھی پڑھیں: پھونک سے ویزہ؟ شف شف والی سرکار کی نئی ویڈیو وائرل

بچہ اپنی گفتگو کے دوران بتاتا ہے کہ وہ چیزیں بیچتا ہے، تعلیم بھی حاصل کرتا ہے اور اپنی بہنوں کے ساتھ رہتا ہے۔ اس پر خواجہ آصف نے اس سے پوچھا کہ وہ کہاں پڑھتا ہے، اور پھر اپنے ساتھیوں کو فوری طور پر ہدایت کی کہ بچے کو اسکول یونیفارم فراہم کیا جائے۔

ویڈیو سوشل میڈیا پر وائرل ہوئی تو صارفین اس پر مختلف تبصرے کرتے نظر آئے۔ شمع جونیجو نے ویڈیو شیئر کرتے ہوئے خواجہ آصف کو کہا کہ اس بچے کی کفالت کریں۔

خواجہ آصف پہلے تو بچے کے ساتھ خوش گپیاں کرتے رہے کہ وہ نواز شریف کے چھوٹے بھائی ہیں
لیکن جیسے ہی بچے نے بتایا کہ وہ اشیأ فروخت کرکے گزر بسر کرتا ہے وہ پریشان ہوکے گاڑی سے باہر نکل آئے اور اپنے لوگوں کو کچھ ہدایت کی@KhawajaMAsif
اس بچے کی کفالت کریں 🙏
pic.twitter.com/0xVkFN3evN

— Dr Shama Junejo (@ShamaJunejo) August 22, 2025