چیرمین پیپلز پارٹی بلاول بھٹو زرداری نے سیلاب زدگان کو نئے گھروں کی دستاویزات سپرد کردی ہیں۔
پاکستان پیپلزپارٹی کے چیئرمین بلاول بھٹو زرداری تعلقہ میروخان کے گاؤں نیو تھارو وڈھو پہنچے جہاں انہوں نے سیلاب متاثرین کے لیے سندھ پیپلز ہاؤسنگ اسکیم کے تحت تعمیر کیے گئے گھروں کا دورہ کیا۔
یہ بھی پڑھیں: بڑے ہوکر دشمن کے جہاز گرانا‘، بلاول بھٹو زرداری کا کمسن طالبعلم سے دلچسپ مکالمہ’
چیئرمین بلاول بھٹو نے منصوبے کے تحت تعمیر ہونے والے گھروں کی ملکیّت کی دستاویزات خواتین میں تقسیم کیں اور کہا کہ پاکستان پیپلزپارٹی کی سندھ حکومت صوبے میں دنیا کا سب سے بڑا مفت رہائشی منصوبہ تیزی سے مکمل کر رہی ہے۔
قمبرشہدادکوٹ: پاکستان پیپلزپارٹی کے چیئرمین بلاول بھٹو زرداری تعلقہ میروخان کے گاؤں نیو تھارو وڈھو میں سندھ پیپلزہاؤسنگ کے تحت بننے والے گھروں کے مکینوں سے خطاب کررہے ہیں
#ApniZameenApnaMakaan pic.twitter.com/hbiPVq1eWV— PPP (@MediaCellPPP) August 26, 2025
انہوں نے کہا کہ سیلاب متاثرین کی بحالی کا جو وعدہ پیپلزپارٹی نے کیا تھا وہ اب تکمیل کے مراحل میں ہے۔ ان کے مطابق سندھ کی 21 لاکھ خواتین کو گھروں کا مالک بنانا ایک خاموش سماجی انقلاب کی ابتدا ہے، جس کے مثبت اثرات آنے والے برسوں میں نمایاں ہوں گے۔
یہ بھی پڑھیں: مون سون بارشیں، سیلابی صورتحال: وزیراعظم شہباز شریف کا بلاول، حافظ نعیم الرحمان اور خالد مقبول صدیقی سے رابطہ
قمبرشہدادکوٹ: پاکستان پیپلزپارٹی کے چیئرمین بلاول بھٹو زرداری تعلقہ میروخان کے گاؤں نیو تھارو وڈھو میں سندھ پیپلزہاؤسنگ کے تحت بننے والے گھر کے مکینوں میں مالکانہ حقوق کی اسناد تقسیم کررہے ہیں@BBhuttoZardari
#ApniZameenApnaMakaan pic.twitter.com/lptOX2gd1h— PPP (@MediaCellPPP) August 26, 2025
بلاول بھٹو زرداری نے مزید کہا کہ اس اقدام سے نہ صرف خواتین کو بااختیار بنایا جا رہا ہے بلکہ آئندہ نسلوں کے لئے بہتر مستقبل کی بنیاد بھی رکھی جا رہی ہے۔
