بھارت میں راجستھان کے علاقے چتوڑ گڑھ میں گوگل میپس کی غلط رہنمائی کے باعث ایک فیملی وین بند پل پر پہنچ گئی اور طاقتور بہاؤ میں بہہ گئی، جس کے نتیجے میں 3 افراد ہلاک اور ایک بچہ لاپتا ہو گیا۔
مزید پڑھیں: حسن ابدال: جھاری کس نالے میں گاڑی بہہ گئی، 10 میں سے 5 افراد ریسکیو 5 لاپتا
حادثہ منگل کو پیش آیا جب خاندان بھِلواڑہ سے مذہبی زیارت کے بعد واپس آ رہا تھا اور بند پل پار کرنے کی کوشش کی۔ وین کے ڈرائیور نے گوگل میپس کی ہدایت پر سوامی اوپردہ پل پر گاڑی لے گئی، جو کئی مہینوں سے بند تھا۔ جیسے ہی وین پل پر داخل ہوئی، وہ پھنس گئی اور دریائے باناس کے تیز بہاؤ میں بہہ گئی۔
پولیس کے مطابق، 4 افراد نے وین کی چھت پر چڑھ کر اپنی جان بچائی، جبکہ 5 افراد کو ریسکیو کیا گیا۔ 2 خواتین اور ایک بچہ لقمہ اجل بن گئے۔ ہلاک ہونے والوں کی شناخت چندا (21) اور اس کی بیٹی رُتوی (6)، مامتا (25) اور اس کی بیٹی خوشی (4) کے نام سے ہوئی۔ لاپتا بچے کی تلاش جاری ہے۔
مزید پڑھیں: حسن ابدال: جھاری کس نالے میں گاڑی بہہ گئی، 10 میں سے 5 افراد ریسکیو 5 لاپتا
چیتور گڑھ ایس پی منیش تریپتھی کے مطابق، ریسکیو ٹیم کو وین میں موجود افراد نے موبائل ٹارچ سے اشارے دیے، اور پولیس و مقامی افراد کی مدد سے 5 افراد کو محفوظ نکالا گیا۔
اسی روز جالور ضلع میں بھی ایک اور حادثہ پیش آیا جہاں سُکدی دریا میں 6 نوجوان بہہ گئے۔ 3 کی لاشیں برآمد ہو چکی ہیں اور باقی کی تلاش جاری ہے۔
