پولینڈ کی فضائیہ کا ایف 16 طیارہ ریہرسل کے دوران گر کر تباہ ہوگیا جس کے نتیجے میں پائلٹ ہلاک ہو گیا۔ حادثہ وسطی پولینڈ کے شہر ریڈوم میں پیش آیا جہاں فضائی شو کی تیاری جاری تھی۔
یہ بھی پڑھیں: متحدہ عرب امارات میں چھوٹے طیارے کو حادثہ، پاکستانی خاتون پائلٹ اور بھارتی مسافر جاں بحق
پولینڈ کے وزیر دفاع وادسلاف کوسینیاک کامیش نے جائے حادثہ پر گفتگو میں کہا کہ اس حادثے میں ایک پولش آرمی پائلٹ جاں بحق ہوگیا۔ وہ ایک ایسا افسر تھا جو ہمیشہ اپنے ملک کی خدمت بہادری اور لگن کے ساتھ کرتا رہا۔ میں اسے خراج تحسین پیش کرتا ہوں۔
✈️ A Polish F-16 fighter jet crashes during rehearsal for Radom Air Show 2025 in Sadkow, killing the pilot instantly
🔥 The jet loses control mid-maneuver and explodes in a fireball, prompting an investigation into the fatal accident pic.twitter.com/dICYPTMuoH
— Anadolu English (@anadoluagency) August 28, 2025
جنرل کمانڈ آف آرمڈ فورسز کے مطابق حادثے کا شکار ہونے والا طیارہ پوزنان کے قریب 31ویں ٹیکٹیکل ایئر بیس سے اڑا تھا۔ خوش قسمتی سے حادثے میں کوئی شہری یا راہ گیر زخمی نہیں ہوا۔
فوجی حکام نے بتایا کہ جائے وقوعہ پر فوری طور پر ریسکیو آپریشن شروع کردیا گیا ہے۔
یہ بھی پڑھیں: کیلیفورنیا میں امریکی نیوی کا ایف-35 لڑاکا طیارہ گر کر تباہ، ویڈیو بھی آگئی
پولش میڈیا پر جاری فوٹیج میں دیکھا جاسکتا ہے کہ ایف 16 طیارہ بیریل رول ایروبک حرکت کے دوران قابو سے باہر ہوکر زمین پر آ گرا اور شعلوں میں لپٹ گیا۔
Jestem na miejscu tragedii. W katastrofie samolotu F-16 zginął pilot Wojska Polskiego – oficer, który zawsze służył Ojczyźnie z oddaniem i wielką odwagą.
Składam hołd Jego pamięci.
Rodzinie i bliskim składam najgłębsze wyrazy współczucia.To wielka strata dla Sił Powietrznych i…
— Władysław Kosiniak-Kamysz (@KosiniakKamysz) August 28, 2025
مقامی میڈیا کے مطابق طیارہ گر کر رن وے سے ٹکرا گیا جس کے باعث رن وے کو بھی نقصان پہنچا، واقعے کے بعد ریڈوم ایئر شو منسوخ کردیا گیا ہے۔
